Epal: 'O pano ka nakapasok?

Mas Epal: Inakyat ko yung gate nyo... kanina pako nagdodoorbell hindi mo binubuksan 'e.

Epal: Wala, sira yung doorbell.

Mas Epal: Tara na. 10:30 yung last full show, baka hindi tayo umabot.

Epal: Oo, tinatapos ko lang 'tong mga pinaplantsa ko. Baka mawalan na naman ng kuryente bukas, wala na akong polo pamasok sa trabaho. Last na polo na 'to, i-hahanger ko lang tapos alis na tayo.

Mas Epal: Baket puro kahoy yang mga hanger mo? Diba mas mahal yan?

Epal: Oo, pero mas matibay daw 'to 'e. Kahit mas mahal mas hindi naman nababali.

"Pak!"

Epal: ANONG GINAWA MO?!!

Mas Epal: Nabali...

Epal: Nabali??? Nakita ko BINALI mo 'e!!

Mas Epal: Sabi mo kasi matibay, sinubukan ko lang, sorry.

Epal: Putik, bat' mo kailangang subukan?!

Mas Epal: Nacurious kasi ako 'e...

Epal: Nacurious ka???

Mas Epal: Oo...

Epal: Sabi nila kapag dinikit daw ng gago yung muka nya sa plantsang mainit hindi daw mapapaso yung gagong yun. Subukan mo nga! Curious kang tao diba??? Dali subukan mo...
Sabi din nila, kapag hinulog mo daw sa hagdanan ang tanga, hindi daw masasaktan. Curious din ako 'e, pwede ko ba subukan sayo???

Mas Epal: ...Libre kita sa sine.