Umanghali: Mga oras na alanganing umaga, at alanganing tanghali. Mula 11:30 ng umaga hangang 12:00 ng tanghali.


Example:
Marlon: Nako sir, after one hour pa po bago namin pwedeng simulan asikasuhin yung SSS application nyo. Sabay-sabay po kasi ang lunch break naming lahat pag tanghali.

Mang Robert: Put*ng ina umanghali pa lang!

Tanong galiong kay AzTiE: Mas gumagwapo po ba, o pumapangit ang lalake pag meron siyang sideburns (patilya)?
MgaEpal.com: Usually hindi naman factor yan kung dadagdag ba sa kagwapuhan o pampapanget ng lalake. Mas nagmumuknag mature lang ang lalake pag may sideburns dahil bawal sa elementary ang mahabang patilya.  Kaya dipende sa taste ng babae yan kung trip nya ang mukang mature o hinde. Nagiging pangpapanget lang ang sideburns sa mga taong pa-cool na nagpapakalbo at tinitira ang patilya. Hindi yata nila alam na muka lang may bigote yung tenga nila.
Tanong galiong kay Nathaniel: Bakit po may sadness?
MgaEpal.com: Para may maramdaman yung mga lalakeng pinagtitripan dahil sa pag-gamit nila ng salitang "sadness". Sana wag mo nang gamitin yang pachicks na salitang yan.

Tanong galiong kay sich: May lasa po ba ang tubig?
MgaEpal.com: Meron. Kapareho ng lasa ng ice cubes. 

Tanong galiong kay batang matanong: Ano pong magandang palusot kung bumagsak ako sa board exam namin bukas at sa makalawa? Talagang hindi ako nag-review at nag-enroll pa ako sa review center pero hindi ko naman pinasukan dahil boring at walang chicks. Salamat.
MgaEpal.com: Mukang malaking problema yan. Kailangang maging madiskarte ka sa palusot mo. Ganito na lang, sabihin mo sa magulang mo na sorry dahil hindi mo alam na tarantado ka pala.


Tanong galiong kay dp19: Baket hindi maintindihan yung sulat ng mga doktor? Tapos mga taga botika lang ang nakakaintindi.
MgaEpal.com: Pasmado ang kamay ng mga doktor dahil naghuhugas sila agad ng kamay kahit pagod, para siguradong malinis ang kamay nila bago nila asikasuhin ang susunod na pasyente. Kaya pag nagsusulat sila, medyo nanginginig sila. Kaya naman mga taga botika lang ang nakakaintindi sa sulat nila, dahil pasmado ang mata ng mga taga botika.

Tanong galing kay Deyb:
Bakit po ganon? Lagi na lang pong singers ang nananalo sa Pilipinas Got Talent (PGT)? kung mas magaling naman ang creativity kesa sa singing diba po? Dapat kung puro singers nalang ang mananalo, palitan na nila ang pangalan ng show ng Pilipinas Got Singing Talent, o kaya Pilipinas Got Vocal Cords?


MgaEpal.com:
Eto yan... Hindi lang sa Pilipinas Got Talent madalas manalo ang mga singers kung variety type ang talent contest. Baket? Dahil pagkatapos may manalo, hindi don magtatapos ng pagpasok ng pera sa mga producers. Sila na ang magma-manage sa career nung contest winner, kaya kung sino ang madaling pasikatin, at kung sino ang sa tingin nilang sosoportahan ng masa, yun ang ipapanalo nila. Hindi nga naman papatok sa masa kung painting ang talent nung tao. Mahirap nga namang pahabain ang career ng taong talent ang paglunok ng blade. At sino ba ang bibili ng album ng magician? Kaya kahit pa maging mas astig ang talent nila, hindi sila ipapanalo.



May kutob kaming pag madaming nakabasa nito at kumalat 'tong sagot na 'to, mapipilitang pumili ang mga producers ng champion na hindi singer, para lang hindi sila mahalata.

Sa totoo lang, nakakagago 'tong show na 'to. Paliliguan ng insulto ng mga host yung mga babae. Tapos lalagyan nila ng design yung muka nung mga babae. 'E kung hindi naimbento ang make up, mukang mas panget pa yung mga host. Kaya bumababa ang self esteem ng mga babae minsan, dahil sa mga superficial shows na tulad nito. Mga show na ginagawang talent ang kagandahan ng itsura.

Sa lahat ng laban ni Manny Pacquiao, dito kami pinaka nahirapan maghimay. Kinailangan naming panoorin ng tatlong beses yung laban bago kami nagkaron ng medyo klaro na bagsak sa laban. Sa tingin namin, sa mga nanood ng live, kung hindi kakampi sa kahit sino sa dalawang fighter, mararamdaman ng nanood na panalo si Juan Manuel Marquez. Kahit kami, kay Marquez namin binigay yung panalo pagkatapos manood nung una, dahil mukang sya ang dominante sa laban. Mukang sya ang may control nung laban. Kadalasan tuwing may laban si Manny, pagkatapos na pagkatapos ng laban, nakakapaglabas agad kami ng reaksyon. Pero dahil sobrang dikit ng laban, inabangan namin ang replay para panooron ulit. Sa pangalawang beses naming manood, ang binantayan namin ay ang kilos ng dalawang fighters. Yung mga gestures nila bago mag-umpisa yung laban, yung kilos nila sa loob ng ring, at reactions nila pagkatapos ng laban. Walang gaanong kakaiba sa body language ni Pacquao at Marquez bago mag-umpisa yung laban. Sa mismong bakbakan, don namin napansin na parehong may pagbabago sa kanila. Nagmukang mahina ang mga suntok ni Manny. May kinalaman malamang yung desisyon nya na maging mas magaan pa kahit pasok na sya sa timbang na pinapayagan para sa laban nila. Ginawa daw ni Manny yon dahil gusto nyang maging mas mabilis pa. Mukang effective naman dahil komportable si Manny sa speed nya, kaso dahil gumaan ang bigat ng braso nya, kitang mas mahina ang power ng mga suntok nya. Malakas parin, pero kung ikukumpara sa mga dating laban nya, mas mahina talaga ang power. Habang si Marquez naman, sa hindi inaasahang pangyayare 'e nakapagdevelop ng mga suntok na may mas powerful na impact. Mukang maganda ang pagkukundisyon na nagawa ng kampo nya dahil hindi sya bumagal sa proseso ng pagpapabigat. Sa weigh in nila, tumimbang si Manny ng 143 pounds habang si Marquez naman sa 142 pounds, pero nung laban kitang mukang mas mabigat yung walking weight ni Marquez. Kahit natatamaan si Marquez ng mga suntok ni Manny, hindi sya masyadong nayayanig. Pero pag tinamaan naman ni Marquez si Pacquiao, umaalog sya kahit sa gloves nya lang tumatama. (walang score ang sapak sa gloves.) Nung natapos ang round 12 napansin din namin na mabilis tinaas ni Marquez yung mga kamay nya, habang si Manny ay umiling habang pabalik sa corner nya. Bagay na nakita ng mga tao bilang sign ng kasiguraduhan ni Marquez sa sarili at pagdududa sa side ni Manny. Pagkatapos manood ng pangalawang beses, kay Marquez parin namin binagay yung panalo.

Sa una at pangalawang beses ng panonood ng laban, ang binantayan at pinagbasihan namin ng winner ay kung ano ang normally binabantayan at pinagbabasihan din ng average na manonood. Sa pangatlong beses namin manood ng laban (replay) sinubukan naman naming mag-score. Dikit lahat ng round kaya sa 10-point scoring system mukang 9 at 10 lang talaga ang karapatdapat na ibigay sa bawat fighter. Hindi kami professional analyst at itong mga score na 'to ay base lang sa kung sino ang lamang sa mga suntok na nag-connect.

round 1: 10 to 9 Marquez
round 2: 10 to 9 Marquez
round 3: 9 to 10 Pacquiao
round 4: 9 to 10 Pacquiao
round 5: 10 to 9 Marquez
round 6: 9 to 10 Pacquiao
round 7: 10 to 9 Marquez
round 8: 10 to 9 Marquez
round 9: 9 to 10 Pacquiao
round 10: 10 to 9 Marquez
round 11: 9 to 10 Pacquiao
round 12: 9 to 10 Pacquiao

Sa scoring namin, lumabas na tig anim na round ang nakuha ni Pacquiao at Marquez. tig 114 ang score na binigay namin sa kanila. Yan din ang score na binigay ng isa sa mga judges.

Sa pinakitang punch stats ni Freddie Roach sa twitter nya, lumabas na konti lang din ang nilamang ni Manny sa punches connected.


Pagkatapos namin manood ng pangatlong beses, doon namin naintindihan kung baket si Manny ang nanalo. Sa ginawa naming scoring at base sa punch stats mas magiging katanggap tanggap kung ginawang draw yung laban. Pero sa tingin namin, hindi lang yang mga yan ang naging basehan ng desisyon. Si Manny Pacquiao ang nakatungtong ngayon sa pinaka tuktok ng boxing world. Sa halos lahat ng fights na sobrang dikit ang score, pabor sa super star, o sa sitwasyon na 'to, pabor sa super star at reigning champion ang magiging desisyon ng judges. Kung bumaliktad ang sitwasyon, at halimbawang si Manny ang challenger, sa ganong kadikit na laban malamang talo si Manny. Sa tingin namin, para manalo si Marquez sa ginawang laban, dapat sya ang naging aggressor. Kaso hinde. Sa lahat ng round, kitang si Manny ang sumusugod, habnag puro atras si Marquez. Isa yon sa mga naging panabla ni Manny. Ang isa pang lamang ni Manny ay ang inaabangang laban nila ni Floyd Mayweather Jr. Inaasahan na papalo ng 200 million dollars ang hahatakin ng laban na yon kung nagkataon. Kung natalo si Manny, magkakaron ng lamat ang anticipation para don. Pwedeng nakaapekto rin yon sa outcome ng laban ni Pacquiao at Marquez.

Hindi kasing convincing ang panalo ni Pacquiao ngayon kumpara sa mga nakaraang panalo nya. Madami parin ang magdududa at may dahilan naman talagang pagdudahan ang panalo ni Manny kung performance lang ang pagbabasihan. Pero nagkataong hindi ganon kasimple ang boxing. Pati kami, may duda rin sa pagkakapanalo ni Pacquiao. Kahit mismong si Manny, sa loob-loob nyan, malamang may pagdududa parin. Pero bilang fighter, kailangan nyang isipin na sa kanya ang panalo. Malaking boost sa mga boksingero ang tiwala sa sarili. Kung matutuloy ang laban nila ni Mayweather, hindi pwedeng may doubt sa sariling kakayahan si Pacquiao. Pero bago nya harapin si Mayweather, mukang may plano pa ang Team Pacquiao na pagbigyan ulit si Marquez ng isa pang bout. Sinabi ni Bob Arum na gusto nyang maglaban ulit si Manny At Marquez. Sinabi ni Roach na kahit nauumay na sya, kailangan mangyari ang pang-apat na paghaharap. At wala namang kaso kay Manny na makalaban ulit ni Marquez. Sa pinakita ni Marquez, at sa paraan ng pagkakapanalo ni Manny, sobrang deserving si Marquez na mapagbigyan ulit. At kailangan din ni Manny ng pagkakataon na mapatunayan sa lahat na sya talaga ang better fighter, sa pamamagitan ng convincing at dominating na panalo. Kailangang magkaron ng Pacquiao Marquez 4

Ang badtrip sa nangyare, magiging kontrobersyal na mantsa yan sa historic na boxing legacy ni Manny Pacquiao. Pero aminin na natin ang totoo, kahit medyo malamya ang naramdaman natin sa controversial na panalo ni Pacquiao, mas ok parin yan kesa sa mararamdaman natin kung nagkataong na-declare si Juan Manuel Marquez na new WBO welterweight champion of the world.

Nelson: Brad, matanong lang kita. Baket sa dami ng nagkakagusto sayo, si Hannah pa ang niligawan mo? Taga Bulacan pa yon, diba? Hinahatid mo sya araw-araw pauwi sa kanila. Isang oras papunta, isang oras pabalik. Baket hindi na lang si Pam ang niligawan mo? Pinaka malapit sa inyo ang bahay non diba?

Randy: Matanong din kita brad. Halimbawa uhaw ka. Tapos may umiihi sa tabi mo. Pinaka malapit sayo yon diba? Iinumin mo ba yung ihi nya?

Tanong galing kay UV:
Bakit po ba ang mga taong nag-tatype (sa keyboard) magaan sa mga characters pero pagdating sa SPACEBAR at ENTER galit na galit, yung tipong pinaririnig talaga nila.

I'm a big fan of MgaEpal.com, I could not end my day without reading your page. Natutuwa po ako kung pano ninyo nakikita ang mga bagay-bagay na hindi kayang mapansin ng iba (dahil siguro ninja kayo). Sana po magtagal pa kayo. Maraming salamat po.

MgaEpal.com Authors:
Sinasagot namin itong tanong mo habang inoobserbahan kung pano mag-type ang isa sa amin. Sa ngayon, hindi pa namin alam ang sagot kaya itutuloy lang namin ang pagta-type nito. Tatlong beses pa lang namin pinindot yung "enter" kaya hintayin mo lang. Kailangan naming pahabain 'tong tina-type namin para mas maobserbahan ang natural way of typing. Sandali na lang malapit na, nagkakaron na kami ng idea. Ops! Ok meron na.

Sa pagtatype ng nakasulat sa taas, napansin namin na hindi naman talaga mas madiin ang pindot sa mga enter at spacebar. Nagmumuka lang mas gigil ang pagpindot dahil sa tunog. Kung susubukan mong biglang pindutin yung mga characters, tapos pindutin mo din yung spacebar na may kaparehong lakas ng impact sa pagpindot mo sa characters, mapapansin mo na mas maingay talaga yung spacebar. Mas mahaba kasi sya, kaya malaki ang lose edges nito. Ganon din sa comparison ng characters at enter key. Basta pag mas mahaba ang key, mas malakas ang tunog na napo-produce. Para lalo kang malinawan, subukan mo namang pumindot ng kahit anong character key, tapos pindutini mo ng may kaparehong lakas yung F1, mapapansin mo naman na mas mahina ang tunong ng pindot mo sa F1.

Maraming salamat sa tanong mo. Mukang maraming fi-finger sa keyboard nila pagkatapos basahin 'to.

Masyadong nang nabababad sa balita ang issue tungkol sa pagbabawal ni Justice Secretary Leila de Lima na makaalis ng Pilipinas si Gloria Macapagal-Arroyo, para magpagamot sa ibang bansa. Ano pa bang dapat usisain dyan? Sobrang obvious na tama lang yung ginawa ni Leila de Lima. Ang sabi ng spokesperson ni Gloria na si Elena Bautista-Horn, nasa imagination lang daw ni de Lima ang posibilidad na tumakas si Gloria. Hindi kaya sya ang nag-i-imagine? Nag-i-imagine na mapagkakatiwalaan si Gloria.


Umaapila ang team Arroyo dahil pinagkakait daw sa kanila ang right to travel. 'E ano ngayon? Baket, nung taong bayan ba ang umaapila sa mga pinag-gagagawa nila nung presidente si Gloria, nakinig ba sila? At baket nga ba umaasa 'tong mga 'to na magtitiwala ang mga tao sa sinasabi nilang hindi sila tatakas? Ilang beses na bang sumabit ang pangalan nila sa kung ano-anong kalokohan? Saan huhugot ng tiwala ang mga tao para sa kanila? Parang syota lang yan na ilang beses mo nang nahuling humahaliparot, tang*na magtitiwala ka pa ba? Kung gusto nila ganito na lang; Sige payagan sila makaalis ng Bansa, pero pag tuluyan silang tumakas, yung mga abogado, spokesperson, at lahat ng umaapila para sa kanila ng ikukulong.

Isa daw sa kaduda-duda sa planong pag-alis ng mag-asawang Arroyo ay ang dami ng bansang balak nilang puntahan. Kung magpapagamot ka lang, ba't mo nga naman kailangan magpalipat-lipat sa higit kumulang lima o anim na bansa? Pwede naman daw pumili ng doctor si Gloria at papuntahin na lang yon dito sa Pilipinas. Ang nakakaloko lang, nag-offer si Noynoy na gobyerno ang gumastos para sa pagpapagamot ni Gloria. Excuse lang mister president, pero kagaguhan yan. Galing sa buwis yan 'e. Pera namin yan. Kung gusto mo pera mo ang gamitin mo. Pwede ding pera ni Kris. Pero wag ka naman masyadong mawili sa pag-gastos sa pera ng bayan. Kung kukuha ka ng pangpagamot sa mga Arroyo galing sa binayad naming tax, kinurakot mo na rin kami. Tang*na kung kayang lumipat-lipat ng bansa nila Gloria, malamang kaya nilang gastusan ang sariling pagpapagamot (Kung totoo ngang may sakit.) Baket, tingin nyo ba walang pera ang mga Arroyo? Wag na tayong magtanga-tangahan, alam nating umaapaw ang bulsa nyang mga yan.

Naglabas ang team Arroyo ng mga pictures na nakasuot ng brace o spine support si Gloria. Patunay daw na may sakit talaga ito.

"Nung pinanganak ka ba sigurado ba yung doktor na nilabas din ng nanay mo yung utak mo?"

"Kailangan namin ng pictures ng hayop para sa school project. Anong facebook account mo?"

"Hi miss, para kang durian. Muka kang masarap, kaso ang baho mo."

"Kung kakausapin moko, kumuha ka muna ng translator. Hindi ko kasi maintindihan yung katangahan mo."

"Wag na tayong mag-away. Pwede naman nating mapasaya ang isa't-isa. Sasaya ka tuwing dadating ako. Sasaya ako tuwing aalis ka na."

"Pwede bang tumalikod ka muna, nalilito kasi ako kung ano ang una kong iinsultuhin sa muka mo"

Kung totoo ang kasabihan na yan, tang*na matagal nang talo lahat ng Pilipino. Dahil ang lakas mang-asar ng gobyerno.

May nilaan daw na 179 million pesos ang Department of Budget and Management para sa National English Proficiency Program ng Department of Education. Para daw yan sa paghasa ng English speaking skills ng mga teachers sa elementary at high school... Baket??? Ano bang balak nilang gawin? Bigyan ng english tutor bawat teacher? 179 million? Ang laki non. Kung tutuusin mas matututo ka mag-english kung magbabasa ka ng libro at manonood ka ng TV show na english. At mahahasa yan kung gagamitin mo sa conversation. So magkano lang ba magpagawa ng DVD ng basic english lessons? Yung mga tipong nakikita sa knowledge channel. Tapos pabasahin sila ng Archie comics. Kahit pa corny yung Archie comics, madaming ginagamit na conversational english terms at idiomatic expressions don, kaya maganda kung gusto mong hasain yung english mo. At bigyan ng english proficiency test yung mga teachers bago sila tanggapin para magturo. Karamihan naman ng teachers sa atin marunong mag english. Nagkakatalo lang sa diction o pronunciation, kaya para mahasa din yon, gawin nilang required ang pagsasalita ng mga teachers ng english sa loob ng campus.

Pero kung kami ang tatanungin, mas mabuti pang hindi masyadong mahusay magsalita ng english ang mga teachers. Baka lalo lang komonti ang mga teachers sa Pilipinas. Maliit ang sahod ng mga guro. Pag gumaling sila mag-english, malamang mag-call center na lang yang mga yan.

Hindi kami sigurado kung si Senator Miriam Defensor-Santiago mismo ang nag-isip ng pangalan para sa bill na yan o binigyan lang ng "nickname" ng mga tao. Sa bill na yan, ipagbabawal na yung pagpapabida ng mga public officials sa mga projects na ginagawa nila. Sa madaling salita, bawal na magbalandra ng profile pic nila sa bawat pinagawa nilang kalsada, sa mga dino-donate nilang tanod-mobile, sa mga pinatayo nilang bus stops at kung ano-ano pang proyekto na ginagawa nila para maging pogi sila sa mata ng mga tao. Sabi nga ni Miriam, hindi nila dapat angkinin ang papuri sa bagay na galing naman sa tax na binayad ng mga Pilipino.


Pag naaprubahan yang "Anti-Epal bill", may positive, pero may negative din na epekto yan. Positive dahil hindi na magkakaron ng free "advance campaign sign" ang mga politiko. Yung iba kasi, ginagawa lang yang mga projects na yan para nga mapromote ang sariling pangalan nila, para pag dating ng next election familiar sa tao ang muka at pangalan nila. Sa negative side naman, kokonti ang projects na uumpisahan, itutuloy, at matatapos. Mas hindi kikilos ang ibang politiko dahil nga hindi naman sila mas sisikat o mas babango.

Para sa amin, sa opinion lang namin, mas negative ang bill na yan kesa positive. Dahil nga mas mawawalan ng gana gumawa ng projects yung mga public officials. 'E kahit naman hindi gumawa ng projects yang mga yan, mangungurakot parin yan. Mabuti nang may mapala tayo kahit papano sa tax na binabayad natin, kung ang kapalit lang naman ay mairita tayo sa pagpapabida nila.

Ganito na lang... Wag nang ipagbawal yung paglalagay nila ng pangalan at pictures nila sa mga proyekto. Basta wag ding ipagbawal sa mga tao ang pag-vandalize sa mga signs nila. Sa bawat sign board ng muka nila dapat may nakakabit na pentel pen, para anytime pwedeng lagyan yung picture nila ng mga paboritong pang-vandal ng mga Pilipino, tulad ng bigote, itim na ngipin, pimples, salamin, at syempre sungay.

Ba't may mga taong sasabihin sayo na pakiramdam nila ginawa ka ni Lord para sa kanila. Pero ang ipaparamdam nila sayo, ginawa sila ni Lord para sa iba.

Nung mga unang pabasa dito sa MgaEpal.com pinutok namin ang pinaghugutan ng "batobatopick". Pero sinabi din namin na hindi pa namin maisip kung baket "jack empoy" at kung baket "sinong matalo syang unggoy". Pero nung nakaraan, may nagtimbre ng information tungkol dyan, na naging clue sa paghahanap namin ng sagot.

Kaya naman pala hindi namin mahanap noon ang pinaghugutan ng "jack empoy", dahil hindi sya ganyan i-spell. Kung nagkaron lang ng official na spelling yang laro na yan edi mas madali sana ang buhay. Sa lumabas na searches, pinaka tinatanggap na spelling ang "jack en poy", kaso transformed word lang yan. Ang pinaka unang documented na pag-gamit ng larong yan ay sa China, 2,000 years ago. Unang nakilala yung larong yan as shoushiling. Pero hindi mga Chinese ang nagdala nyan sa Pilipinas. Pagkatapos lumaganap ang larong yan sa China, pag dating ng 18th century, sa Japan naman yan nauso. Tinawag naman syang "jan ken po". Nung sinakop tayo ng Japan noon, isa yan sa mga minana natin sa kanila. Sa pagsasalin-salin ng larong yan, naiba na lang ang tawag. Mula jan-ken-po, naging jack-en-poy dito sa atin.

Medyo hindi naman kagandahan ang theory kung baket nadugtungan ng "Sinong matalo syang unggoy." Wala naman daw nyan nung sa Japan nilalaro yan. Nung sinakop nila ang Pilipinas noon, mas mababa ang tingin ng karamihan ng sundalong Hapon sa mga Pilipino, at dahil mas maputi sila, unggoy ang isa sa panglait na ginagamit nila sa mga Pilipino. May mga pagkakataon daw na pag walang magawa yung mga sundalong hapon, palipas oras nila maglaro nyan, na sinasabayan ng kanta na kung sino ang matalo, unggoy o Pilipino. Na ginaya naman ng ibang Pilipino sa translation na tagalog. Pero theory lang yan, kaya hindi na dapat patulan. Pero kung apektado ka at feeling mo gusto mo lang bumawi sa Japan kahit konti, sa susunod na maglaro kayo nyan gawin nyong "Jack-en-poy, holiholi hoy, sinong matalo syang nag-iimbento ng mga mga retarded na bagay."

Misis: Hon, delayed ako sa regla ng one month. Pero wag mo ipagsabi nakakahiya.

(Kinabukasan may dumating na taga Meralco)

Meralco: Ma'am delayed po kayo, one month.
Misis: Ha!? Pano mo nalaman?
Meralco: Nasa record po.

Mister: Aba! Bakit nakarecord dyan na delayed ang misis ko?
Meralco: Kung gusto nyong mawala sa record, magbayad po kayo.
Mister: Kung ayoko?
Meralco: Edi puputulan ho namin kayo
Mister: Tarantado ka pala eh! Anong gagamitin ng misis ko!?
Meralco: Pwede naman po siyang gumamit ng kandila.

Pag may magshota sa pilikula na biglang maghahabulan sa beach, baket laging taya yung lalake?

Tanong:
Good day po mga authors here sa site. Itago niyo nalang po ako sa name na Janice, well I'm just 17 years old and kaka-break lang po namin ng boyfriend ko na 2 years ahead sakin. Description about him: Grade 4 lang po ang natapos niya, broken family po sila. BABAERO, sex addict, tapos mahilig sa maganda kahit hindi siya kagwapuhan. Siya po ang bunso and may kanya-kanyang mga bagong asawa na yung mga parents niya. Well, this is my problem, 2 months po akong buntis, at unfortunately kakabreak lang po namin. Happy syempre at first pero nung tumagal wala na. Super babaero siya pero nagpakatanga ako, pinakilala ko pa siya sa family ko. Payag siya na buhayin ang bata pero magkalayo kami. Para siyang NPA! Palipat lipat ng tirahan! Hanggang sa nalaman ko na may feelings parin siya sa EX niya. At mahal na mahal ko parin siya.

Ang tanong po ano pong pwede kong gawin para maka move on na?

PAHABOL pa po. Ano po ba yung THE BEST na pampalaglag? Gusto ko pa po mag-aral. 3rd year high school pa lang po ako eh.

MgaEpal.com
Eto na ang pinaka nakakalalungkot na tanong na natanggap namin galing sa reader. Nakakalungkot hindi dahil sa problema mo, kundi dahil sa takbo ng utak mo. Mukang desidido ka nang ipalaglag yung bata, at ang pinuproblema mo 'e kung pano maka move-on. Gago ka ba? Sa tingin mo hindi ka na makakapag-aral kung hindi mo ipapalaglag yan? Baket, aagawin ba nung baby yung utak mo? Pasensya na pero kung padadalahan nyo kami ng mga ganitong tanong, hindi kami pwedeng maging kalmado sa pagsagot. Pero sige, sa pag move on, simple lang yan, isipin mo na wala kang future sa tarantado mong boyfriend. Pero hindi dahil grade 4 lang ang tinapos nya, at broken family sila. Walang kinalaman yon kung baket wala kang magandang future sa kanya, dahil hindi sa level ng education o family situation dinadangkal ang pagkatao. Kung babaero talaga sya at mahirap hagilapin yun ang basehan kung baket wala kang future sa kanya. Kung ok sa kanya na suportahan yung bata, tanggapin mo yung ibibigay. Ipaalam mo sa mga magulang nya na buntis ka. Kung gusto nilang makasama yung magiging apo nila, sila ang tutulong sayo at sa pamilya mo sa pagpapalaki sa bata. Tumigil ka muna sa pag-aaral kung kailangan. Pero ituloy mo pag pwede na ulit. Wag kang kumuha ng kursong nursing, dahil kung kami lang, wala kaming kilalang nursing graduate na naging nurse. Hasain mo yung english speaking skills mo para makapag-call center ka. Mas malaki ang sweldo don. Mga payo na 'to para makatulong sayo at sa magiging baby mo. Kung desidido ka not to keep the baby, wag mong ipapalaglag. Ipaampon nyo na lang yung bata. At least man lang magkaron sya ng pagkakataon sa mundo. Pero sana, sana talaga palakihin nyo yung baby. Sana maging astig kang nanay sa kanya. Wala kang future sa boyfriend mo, pero may future ka pa. Sana naman bigyan mo din ng chance na magkaron ng future yung dinadala mo.

UPDATE: 
From "prinsesa" (A concerned reader.)
Gusto ko lang sana maging inspirasyon dun sa sumulat sainyo na si Janice, I got pregnant when I was 15. Ok naman sana yung tatay ng anak ko kasi ok nman yung pamilyang pinanggalingan niya at graduate na siya ng high school nung time na yun, kaya lang sobrang batugan, gusto niya ipalaglag ko yung bata. 4th yr. HS ako nun at sa catholic school nag aaral. Bawal sa school namin ang buntis, pero tinuloy ko pa din ang pagbubuntis ko. Hindi ko naisip na masisira ang buhay ko, kasi alam kong blessing siya sa akin. Ngayon po ay 4 years old na ang anak ko, nakatapos din ako ng college at nakahanap din ako ng lalaking tumanggap sa aming mag ina ng buong buo. Kasal na kami at sakanya na din naka apelyido ang bata. Galing ako sa mahirap na pamilya kaya feeling ko responsibility kong i-share ang kwento ko sa mga batang nabubuntis. Hindi pa katapusan ng mundo, mabubuhay kayo kahit pa maging batang ina kayo. Kung ayaw niyo talaga ng anak, pwede naman ipaampon sa maayos na pamilya yung bata pag naipanganak na. Hindi lang tama na papatay ka ng bata dahil sa kasalanan mong lumandi ka ng maaga. Yun lang po. Salamat.

Tanong:
Ganito po kase, may ka-relasyon ako, mga 2 months pa lang ang itinatagal ng relasyon namen. Pareho kameng 2nd year highschool at magkaklase. Masaya naman ang pagsasama namen, nang biglang dumating ang dalawang araw na hindi ko sya pinansin. Yung dalawang araw na yun, exam namen. Hindi ko alam kung bakit ko siya hindi magawang lapitan nung araw/oras na yun. Tapos pagkalipas ng dalawang araw, sabado, nilapitan ko sya. Kaso, pagkatawag ko, ang sinagot nya lang, "Oh?". Tapos lumingon na sya sa iba, hindi na nya ako pinansin. Nang lumipas naman ang ilang oras namen, biglang may nakapagsabi na "cool off" na daw kame. Wala naman akong magawa, wala akong ibang masisi kundi sarili ko lang. Wala akong ibang masabi. Kasalanan ko. Ngayon, sa kwento kong yan, may tanong lang po ako Mgaepal. Paano po ba humingi ng "sorry" sa kakaibang paraan na hindi ko kailangang magsalita? O kahit kailangang magsalita, ayos lang po. Sana po masagot/matulungan niyo po ako.

MgaEpal.com:
Kid, nung sinasabi mo na yung problema mo, inumpisahan mo sa "nang biglang dumating". Ikaw ang gumawa, at hindi bagay na hindi mo kontrolado ang nangyare. Hindi yon "nang biglang dumating." Pero nandyan na yan, nangyare na. Ang tanong mo, kung pano magso-sorry ng hindi nagsasalita. Simple lang, magsorry ka sa utak mo lang, para ikaw lang ang makaalam. Pero kung balak mong malaman nung tao na nagsisisi ka, malamang kailangan mong magsalita. Alam mong ikaw ang mali, mag-sorry ka. Pag tinanggap ka nya ulit, ayos. Kung hinde, palipasin mo na. 2nd year high school pa lang naman kamo kayo, gagamitin na namin ang laspag na linyang "Bata pa kayo."

Payo lang sa mga batang "in a relationship" na ang mga status sa facebook, pag nararamdaman nyo na may gagawin kayong madrama, isipin nyo muna kung ano ang negative na epekto nito pag nagkataon. Matakot kayong maging masyadong madrama para hindi kayo gumawa ng masyadong pa-senti na bagay na MAS MAKAKASIRA, KESA MAKABUTI. Kung hindi nyo mapigilan, at least man lang tingnan nyo kung ano ang pwede nyong matutunan pagkatapos nyong gawin yung mga kalokohan nyo sa relationship. Dadating kasi ang panahon na makikilala nyo yung taong pinaka lapat para sa inyo. Pag dating ng panahon na yon, dun sisipa ang kaalaman nyo sa mga bagay na kailangan nyong iwasan para hindi masaktan yung taong dapat nyong alagaan.

Post Scriptum:
Hindi talaga namin alam kung baket niisip nyong samin ipadala yung mga tanong na may kinalaman sa love life. Kadalasan naman alam nyo yung sagot. Kailangan nyo lang yata ng second opinion. Nagpapasalamat, at natutuwa kami sa tiwala nyo, pero sa totoo lang mas matutuwa kami kung mga magulang nyo ang bibigyan nyo ng tiwala para tulungan kayo. Build a relationship with your parents. Wala kang dapat ikahiya o ikatakot kung susubukan mong maging MAS malapit sa kanila. Tandaan nyo, gago lang ang magulang na papalag pag gustong kumapit ng anak nila sa kanila.

Isko: Pare nakita kita kanina nung nakasakay ako sa helicopter ko ah. Tinatawag kita hindi mo naririnig.

Dado: 'A pasensya ka na pare kung hindi kita narinig, maingay kasi yung mga makina ng F1 turbo racing cars ko 'e.

Isko: 'A ganon ba? Kakalabitin nga sana kita galing sa helicopter. Magba-bungee jumping ako papunta sayo para makalabit kita. Kaso naisip ko bisitahin na lang kita dito.

Dado: Sakto nga yung pagbisita mo pare. Hindi kasi natuloy yung schedule ko ng pag-akyat sa Mount Everst.

Isko: Mabuti naman kung ganon pare. Matagal na kasi tayong hindi nagkikita. Naging busy kasi ako. Lagi kasi akong niyayaya ni Kobe Bryant mag-basketball.

Dado: Gusto ko nga ding makapag-basketball pare. Kaso si Megan Fox laging nagyayaya mag-date. Pinagbibigyan ko na lang kawawa naman kase.


Isko: Tara inuman tayo pare.


Dado: Tara, libre moko.

Isko: Ay nako pare, wala akong cash dito. Naiwan ko kasi yung wallet ko sa Saturn nung huling space expedition ko. Ikaw na lang muna manlibre.

Dado: Nako pare wala din akong cash. Naiwan ko sa year 1992 nung ginamit ko yung time machine ko.

Isko: Yayain na lang natin si Pareng Oscar. Sya na muna ang manlibre. Text mo.

Dado: Nagcha-charge pa ng battery yung cellphone ko sa secret laboratory ko. Ikaw na mag-text.

Isko: Sure. Naka-unlimited text naman ako.

Dado: Yabang mo naman.