Lie and lie until you succeed.

By mgaepals on 09:03

Filed Under:

Noel: Ser bakit nyo ako pinahinto? May problema ba?

Junior Traffic Police: Beating the red light ka brad. Akin na yung lisensya mo.

Noel: Sorry ser hindi ko ho napansin na pula na yung stoplight.

Junior Traffic Police: Hindi pwedeng pasensya lang. Akin na yung lisensya mo!

Noel: Pasensya na ho wala akong lisensya, kinuha na kasi dati nung may binangga ako.

Junior Traffic Police: Aba dagdag sa kaso mo yan. Driving without license ka.

Noel: Baka pwede nyo na akong palusutin, nagmamadali kasi ako. Baka abutan ako nung may-ari nitong kotse 'e.

Junior Traffic Police: Hindi ba sayo 'tong kotse na 'to?!

Noel: Ah hindi ho. Ninakaw ko lang 'to. Kailangan ko kasi ng sasakyan para madeliver ko yung 50 kilos ng shabu. Nanjan yung shabu sa likod ng kotse.

Junior Traffic Police: Teka lang ha... wag kang aalis.

After 10 minutes...

Junior Traffic Police: Dito sir! Eto yung kriminal!

Senior Officer: Brad, pinapunta kami nung junior traffic police ko dito dahil kailangan daw nya ng backup. Pwede bang bumaba ka muna jan sa kotse.

Noel: Ah sige ser, walang problema.

Senior Officer: Pwede bang paki bukas nung likod ng kotse.

Noel: Opo, eto ho.

Senior Officer: Wala namang laman ah! Sayo ba 'tong kotseng 'to?

Noel: Oho, eto may registration papers ako dito.

Senior Officer: Oo nga 'no... Patingin nga ng lisensya mo...

Noel: Eto ho.

Senior Officer: Pasensya ka na brad ha. Sabi kasi nung junior traffic police ko wala ka daw lisensya, ninakaw mo daw 'tong kotse, at may 50 kilos ng shabu ka daw sa likod ng kotse.

Noel: Nako malamang sinabi din nung sinungaling na yun na beating the red light ako 'no?

0 comments for this post

Post a Comment

Subscribe to: Post Comments (Atom)