3:47pm... Nakatambay ang mga preso sa activity room ng bilibid...

Tonyo: Boring naman.

Gaston: May bisita yata si warden kaya pinapunta lahat ng inmates dito.

Brando: Para itago tayo sa bisita nya? Wala pala si warden, kinakahiya tayo 'e.

Delfin: Na-hurt ka? hahaha!

Brando: Slight lang. Gago!

Tonyo: Wala namang magawa dito 'e. Hindi pa pwede magyosi.

Gaston: Hindi ka naman nagyoyosi 'a.

Tonyo: Sinasabi ko lang na hindi pa pwede magyosi.

Mang Pancho: Walang hindi pwede gawin dito sa loob kung marunong kang dumiskarte.

Brando: Kilala nyo ba yan?

Gaston: Kami ba kausap nyo manong?

Mang Pancho: Oo. Narinig ko kasi yung sabi nung kasama nyong mukang tanga, na hindi pwede magyosi kahit hindi naman sya nagyoyosi.

Tonyo: Ah hindi manong, ako yung nagsabi non, hindi si Delfin.

Mang Pancho: Ikaw nga.

Tonyo: Ah ok, sabi nyo kasi yung mukang tanga. Akala ko si Delf...

Delfin: Tangina ang tibay naman ng muka mo. Kung hindi lang ako naco-curious kung sino 'tong matandang 'to, pinatulan na kita. Sino ka ba tanda?

Mang Pancho: Ako nga pala si Pancholo Makalinta. Mang Pancho na lang mga iho.

Brando: Mang Pancho, ano ho bang ibig nyong sabihin na walang bawal dito sa loob sa marunong dumiskarte?

Mang Pancho: Walang hindi pwedeng gawin dito kung maparaan ka. Halimbawa yung paninigarilyo dito sa loob ng common area. Hahanap ka lang ng pamaypay, tatabi ka sa may bintana at dun ka magsisindi. Ipaypay mo lang palabas ang usok. Kung may makaamoy na jail guard, kailangan mo lang maghanda ng extrang yosi. I-aalok mo lang yan. Sa tagal ko dito sa loob, halos lahat ng bagay, nadidiskartehan ko na.

Gaston: Gano katagal ka na ba dito sa bilibid?

Mang Pancho: higit sa 42 years na ako dito.

Delfin: Gano katagal ba ang sintensya mo tanda?

Mang Pancho: 35 na taon.

Brando: Ha?! 'E laya ka na dapat 'a!

Tonyo: Oo nga! Lampas ka na sa sintensya mo! Lampas ka na ng.... lampas ka na ng... 42 minus 35?

Delfin: Ba't nandito ka pa?

Gaston: Oo nga, ba't hindi pa kayo nakakalaya Mang Pancho?

Tonyo: Huy! 42 minus 35?

Mang Pancho: Sabi ko nga sa inyo, sa tagal ko dito nadiskartehan ko na halos lahat. Kumportable na ako dito. Halos kalahati ng buhay ko dito ako. Mas hindi ko na alam ang diskarte sa labas.

Gaston: Wala ba kayong kamag-anak?

Delfin: Tsaka mga kaibigan na gustong makita?

Tonyo: 'O kaya pets na kailangan alagaan?

Brando: Oo tonyo, may pets sya na hindi na nya naaalagaan for 42 years.

Delfin: Alam nyo ba na nagpapakahirap kaming apat para makatakas dito? Tapos ikaw na pwedeng-pwede na lumabas, ayaw mo?

Mang Pancho: Sige para mas maliwanagan kayo...

Delfin: Putik pag-usapan na natin mamaya yung susunod na plano!

 1:17AM (Mahigit apat na oras nang lights out sa lahat ng selda)...

Sa waste area ng bilibid...

Delfin: Gaston, Sigurado ka bang ok 'tong plano mo?

Gaston: Syempre, ako pa.

Brando: Oo nga mukang ok naman, kaso ang baho dito.

Gaston: Malamang! Puro basura dito 'e.

Delfin: Pero sobrang baho 'e. Ang hirap pang huminga dito sa loob ng mga sako. Teka, pano natin malalaman pag may parating na mga jail guards?

Gaston: Binutasan ko ng maliit 'tong sako ko. Pag may tao sa hallway, makikita ko muna yung shadow bago sila pumasok dito sa waste area.

Delfin: Talaga bang madaling-araw nagtatapon ng basura yung mga jail guards?

Gaston: Oo.

Brando: Sigurado ka bang hindi nila tayo mahuhuling nakatago sa mga sako?

Gaston: Hindi yan. Wag lang kayong masyadong malikot. Teka... Tonyo? Tonyo!

Brando: Baka hinimatay na si Tonyo sa loob ng sako!

Delfin: Pabayaan nyo na yan, baka patay na.

Tonyo: Gago! Ayaw ko lang magsalita, baka pasukan ng germs yung bibig ko.

Delfin: Hahaha Kapal ng muka neto, pa-germs-germs ka pa, sosyal mo 'a.

Tonyo: Tagal naman ng mga jail guards! naiihi nako!

Brando: Edi umihi ka na jan. Ok nga yun mas mabaho, mas kapanipaniwalang basura ka hahaha!

Delfin: Hindi na kailangan, kahit makita pa ng mga jail guard si Tonyo, papasa paring basura yan.

Tonyo: Ulul!

Gaston: May tao sa hallway! Shhhh!

Jail Guard 1: Ang baho talaga dito sa waste area! Bwiset!

Jail Guard 2: Parang hindi ka na nasanay. Buti nga yung mga preso na ang nagsasako ng mga basura. Ilalabas na lang natin.

Jail Guard 1: Baket mukang mas madaming sako ngayon???

Jail Guard 2: Baka may mga bisita si warden kanina. Mahilig magpadeliver ng pagkain yun lalo na pag bigatin ang mga bisita.

Jail Guard 1: Badtrip naman! Tara simulan na natin nang makaligo na pagkatapos.

"Hachoo!"

Jail Guard 1: Ikaw ba yun?

Jail Guard 2: Hindi. Kala ko ikaw 'e.

Jail Guard 1: Baka may ibang tao dito. Check mo nga yung mga sako.

Jail Guard 2: Ayoko nga! Sobrang baho na nga kahit nakasara, pabubuksan mo pa sakin??? Kung gusto mo ikaw na lang.

Jail Guard 1: Putik hindi na! Sipain mo na lang isa-isa. Para sigurado lang.

Sinipa isa-isa ang mga sako sa waste area...

Pagdating sa sako ni Brando...

"pugshk!"

Brando: Meoooooooow!

Jail Guard 2: Pare may pusa sa sako!

Jail Guard 1: Pabayaan mo na yan. Pag pinakawalan mo yan mahirap iligaw yan.

Pagdating sa sako ni Delfin...

"kabug!"

Delfin: Awooo! Aww-aww-awoooo!!!

Jail Guard 2: Pare may aso sa sako!

Jail Guard 1: Ikaw bahala kung pakakawalan mo yan. Baka kagatin ka, sinipa mo 'e. Hindi ko nga alam kung aso yan, tunog lobo 'e. Kung ako sayo ipauubaya ko na sa mga basurero yan.

Jail Guard 2: Nakaka-awa pero... oo nga.

Pagdating sa sako ni Gaston...

"pugshk!"

Gaston: Sqeeeeeeeek!

Jail Guard 2: Tang*na may daga sa sako!

Jail Guard 1: Kadiri! wag mong buksan, baka makatakas, dadami pa yan!

Pagdating sa sako ni Tonyo... 

"kabug!"

Jail Guard 2: May gumagalaw sa loob!

Jail Guard 1: Anong tunog?

Jail Guard 2: Wala. Gumagalaw lang.

Jail Guard 1: Sipain mo nga ulit.


"pugshk!"

Jail Guard 1: Wala paring tunog. Tang*na ano yan???


Jail Guard 2: Sipain pa natin baka hindi tinatamaan.


"pugshk!" "pugshk!" "kabug!" "pugshk!" "kabug!"

Tonyo: Aray ano ba?!!!!! Walang tunog ang giraffe!

4:45PM... sa loob ng selda...

Delfin: Mukang masaya ka 'a.

Tonyo: Ha? Hindi naman...

Gaston: "Hindi naman", pero nakangiti!

Brando: Oo nga. Share mo naman yan, para masaya tayo lahat.

Tonyo: Hindi, wala.. hehe

Brando: Parang gago 'to, magsisikreto ka pa ba samin?

Gaston: Oo nga. Ano na kasi yon?

Tonyo: Wala may naalala lang ako. (sabay ngiti ulit)

Delfin: 'O ano na nga yun? Kwento naman...

Tonyo: Naalala ko lang nung may nagkiss sakin...

Brando: Wushuuu!

Delfin: Hahaha! Hayup naman chickboy pala 'to 'e!

Tonyo: Syeeemps! Pogi 'e!

Gaston: Ulul! Kapal ng muka mo gago! Bulag ba yung babae? O panget? Nyahaha!

Tonyo: O' bahala kayo, hindi ko na ikukwento.

Delfin: Hahaha! Hindi na, hindi na. Ok game kwento.

Tonyo: Wala nung una kase hindi ko naman sya napapansin. Unang beses ko syang nakausap nung tumabi sya sakin. Hindi ko alam kung baket sya tumabi sakin nun, pero napansin ko na tumitingin sya sakin habang magkatabi kami.

Brando: Naks naman! Parang teenager ang dating ah! 'O tapos?

Tonyo: Tapos tumingin na din ako sakanya. Mejo nahihiya pa ako nung una, pero una naman syang nagsalita kaya nagkwentuhan na kami. Pagkatapos ng mga halos isang oras ng pag-uusap, niyaya nya ako.

Gaston: Saan?

Tonyo: Kahit saan daw na wala masyadong tao. Magkaholding hands na nga kami nung naglalakad. Tapos nung makahanap kami ng mejo madilim na pwesto, dun na kami umupo ulit.

Delfin: Teka, teka. May nangyari ba sainyo???

Brando: Patapusin mo kasi magkwento! Nakarinig ka lang ng madilim na pwesto na-excite ka na!

Delfin: E' syempre, hindi naman kayo pupwesto sa dilim kung wala kayong gagawin diba? O' sige na tuloy mo yung kwento!

Tonyo: Yun nga. Naisip ko makakaiskor ako, ayos! Nilapit nya yung muka nya sa pisngi ko, tapos hinimas yung dibdib ko. Tapos dun na nya ako hinalikan.

Gaston: Torrid ba?

Tonyo: Gago sa pisngi nga lang 'e. Masarap bang mahalikan ng torrid yung pisngi mo?!

Brando: O' tapos? Ano na?

Tonyo: Basta tapos nun, naramdaman kong bumababa yung kamay nya. Inisip ko, eto na!

Delfin: O' tapos? Tapos?!

Tonyo: Tapos may mga dumating na tao. Booyset!

Brando: Tang*na bitin! Hahaha!

Delfin: Walang kwenta!

Gaston: Hahaha! Badtrip yun a'! Edi paglaya mo dito tsaka mo lang matutuloy yung romansahan nyo? Matagal-tagal ka pang mag-iimagin! hahaha!

Brando: Gagu, pag laya ni Tonyo dito malamang may ibang dibdib na yun na hinihimas hahaha!

Tonyo: Mga gago! Baket ko kailangan lumaya para makita sya ulit??? Abnormal ba kayo?! Mamaya nga magkikita kami sa CR, buti nga wala tayong plano ngayon pumuga.

Delfin: Magkikita sa CR???

Gaston: CR dito sa loob ng bilibid??? San mo ba nakilala yang chick mo???

Tonyo: Nakilala ko kanina sa may field. Inmate din dito. Sabi ko nga sakanya, sa susunod na plano nating tumakas, itatanong ko sainyo kung pwede syang sumama. Sya na kasi ang pinaka magandang babaeng nakilala ko.

Gaston: Inmate din dito?!! Pinaka magandang babaeng nakilala mo??? Babae???

Tonyo: Oo.

Gaston: BABAE???

Tonyo: Oo nga! Baket ba?

Brando: Ehem... Ahhh Tonyo... May tanong ako sayo...

Tonyo: Ano yun?

Brando: Napansin mo ba na walang pangbabaeng CR dito sa bilibid?

Tonyo: Hmm Hindi. Pero kung iisipin ko ngayon, oo nga parang walang pangbabaeng CR dito... Ano ngayon?

Brando: Ahhh... wala lang.

Delfin: Tonyo, mahilig ka pala sa hotdog 'no? Hahaha!

Tonyo: Sa hotdog? Ok lang, hindi naman masyado.

Brando: Hindi mo parin ba magets?

Tonyo: Ang alin ba??

Gaston: Wala, wala. Anong oras ba kayo magkikita nung "chicks" mo? Puntahan mo na sa CR para maumpisahan nyo na ang "sabong."

Tonyo: Baket sabong??? Leche! Makaalis na nga! Iskor na 'to haha! Kwento ko nalang sainyo mamaya. Mamatay kayo sa inggit!

8:37 PM... Sa kubeta...

Gaston: Ano ready na kayo?

Brando: Oo, wala nang atrasan 'to...

Delfin: I was born ready.

Tonyo: Alam nyo, boy scout ako nung bata ako, kaya lagi akong handa. Naaalala ko nga noon nagcamping kami tapos...

Delfin: Oo na, putik magkukwento pa, sige na ikaw na ang pinaka ready na tao sa mundo!

Tonyo: Sungit naman nito.

Gaston: Tama na yan, malapit na mag 9:00PM. Alam nyo na ang gagawin ha. Pag dating nung jail guard susunggaban natin. Brando, hawakan mo agad yung dalawang kamay para hindi makabunot ng baril. Delfin, Takpan mo yung bibig para hindi sya makasigaw. Ako, paamuyin ko ng pampatulog para makuha natin ng tahimik yung susi ng rehas sa harap. Hangga't maaari, wag nyong sasaktan yung jail guard.

Tonyo: Teka. Pano ako? anong gagawin ko?

Gaston: Wala. Baka pumalpak na naman 'to dahil sayo. Tumabi ka lang jan at manahimik.

Brando: Malapit na mag 9:00PM magche-check na ng C.R. yung jail guard. Sige na, tago na tayo.

7:38PM... Hapunan ng mga inmates...

Gaston: O pano na tayo? Kailangan natin ng bagong plano.

Delfin: Oo nga... Sayang yung plano ni Brando muntik na tayong makatakas nun. Sayang talaga.

Brando: Sobrang nanghihinayang din ako kosa. Kayo na muna ang mag-isip ng plano, nasa state ako ng deep depression ngayon. Sorry ha...

Tonyo: Ok lang yan kosa. Kami na ang magpaplano... Dapat kasi matalino ang mangunguna sa pagpaplano natin... tulad ko.

Delfin: Tulad mo?!! Gago ka ba? Kung hindi dahil sayo, hindi papalpak yung plano ni Brando!

Tonyo: Heeeey... What's with all the hostility?

Gaston: Umi-english-english ka pa hayup ka. Biyakin ko ulo mo gago!

Brando: Pero tama si Tonyo. Dapat matalino ang mangunguna sa pagpaplano.

Delfin: Muka namang mataas ang mga I.Q. natin... pwera lang yung isa jan.

Tonyo: Ako ba ang pinariringgan mo kosa?

Delfin: Narinig mo ba?

Tonyo: Oo.

Delfin: Pwes ikaw nga!

Tonyo: Baket?! Mataas naman ang I.Q. ko a'! 3rd honor nga ako nung grade 2 ako 'e!

Brando: Ulul! Tapos ilan kayo sa klase, tatlo? hahaha

Delfin: Gago kosa, baka dalawa lang sila. hahahahaha!

Tonyo: Mga abnoy, 54 kame sa klase nun! O ano. galing 'no?

Gaston: Maniwala ako sayo... 54 kayo tapos 3rd honor ka?

Tonyo: Oo! Sayang nga hindi ko na napagpatuloy ang pag-aaral ko. Nakulong kasi ako, unang beses ko makulong nun, car-napping yung kaso.

Brando: Grade 2 ka, car-napping ang kaso? Marunong ka na mag-drive non?

Tonyo: Oo naman! May lisensya nga ako nun 'e.

Delfin: May lisensya ka na nung grade 2 ka?!! Mukang gifted child 'to si Tonyo 'a! Sya na nga lang ang mag-lead sa pagpaplano!

Gaston: Sakin ayos lang. Kung 3rd honor sya nun at natuto sya magdrive nung grade 2 sya e' baka may tinatagong talino nga 'to!

Tonyo: Wow naman, I'm flattered...

Brando: Nakakabilib naman kasi talaga yun. Grade 2??? Mga ilang taon ba yun kosa? Mga 8 years old ka lang nun a'!

Tonyo: Ha??? Gago ba kayo? May lisensya nga ako nun 'e! Pano ako makakakuha ng lisensya kung 8 years old lang ako nun? 17 years old ka nga dapat bago makakuha ng student's license diba?!!

Delfin: Oo nga no... so 17 years old ka na nung nag 3rd honor ka sa grade 2???

Tonyo: Hindi, bumagsak ako ulit nung 17 ako 'e...

Gaston: So ilang taon ka nung nag 3rd honor ka?

Tonyo: Mga 24, last year lang. Kaya mataas pa ang I.Q. ko hanggang ngayon dahil isang taon pa lang ang nakalipas nung nag 3rd honor ako!!! Kaya ako talaga dapat ang mamuno sa susunod na plano!

Brando: Ganito nalang... magbunutan nalang tayo ng posporo.

Delfin: Eto may apat na posporo ako... puputulin ko ang tatlo, kung sino ang makakuha ng pinaka mahabang posporo, yun ang mamumuno sa susunod na pagtakas natin. Ikaw Tonyo, hindi mo na kailangang bumunot dahil pagkatapos mong paulit-ulit na bumagsak, naging 3rd honor ka sa grade 2 last year. Dahil mataas ang I.Q. mo hindi ka na bubunot... eto, binibigyan na kita agad ng posporo.

Tonyo: Put*ngina bali na 'to a!

11:22PM... Plano ni Brando...

Brando: Ok, pag akyat ng vent, dahan-dahan sa pag-gapang. Gawa sa yero yun kaya iwasan ninyong kalabugin, baka marinig ng jail guards.

Delfin: Teka... nakita ko na yung mga vent pag nasa field tayo. Tang*na mataas yun 'a!

Gaston: Oo nga, mataas yun. Pano tayo bababa sa kabila ng pader?

Tonyo: Edi gumamit ng hagdanan! May hagdanan ka ba Brando? Kahit ladder lang...

Brando: Wala! gago ka ba? Hindi kakasya ang hagdan dun. Nasipat ko na lahat ng vent. At dun sa may West gate may bubong na pwede natin talunan pababa.

Gaston: Sa may West gate? 'E bubungan ng guard's lodge yun! Yero din yun. Mahuhuli tayo dun!

Brando: Hindi, akong bahala.

Delfin: Kosa, sigurado ka ba dito?

Brando: Oo, nandito na tayo, tuloy na natin 'to.

Tonyo: Pano na tayo bababa?

Brando: Ganito... tatalunin muna natin isa-isa pababa sa may bubungan ng guard's lodge. Pero mag-iingay yan dahil gawa sa yero yung bubong... kaya paglagpak ng paa natin sa bubong kailangan nating gumawa ng tunog ng hayop para linlangin yung mga mga jail guard sa loob ng guard's lodge. Kuha nyo?

Gaston: Ok.

Tonyo: Oo, game.

Delfin: Sige. Pero mauna ka na Brando.



Jail guards: Ano yun?!

Brando: Meow... meow...

Jail guards: Pusa lang pala.

9:45AM... Almusal ng mga inmates...

Brando: Bago ka dito ah...

Tonyo: Oo, ako nga pala si Tonyo. Kakapasok ko lang kahapon. Pero wala akong balak magtagal dito.

Delfin: Mataas ang ambisyon mo Tonyo 'a. Tatakas ka?

Tonyo: Oo.

Gaston: Huy, hinaan nyo nga yung boses nyo, baka makatunog yang jail guard. Nice to meet you Tonyo.

Delfin: Parepareho pala tayo ng balak 'e.

Tonyo: Ah nice to meet you din kosa... Balak nyo din tumakas?

Brando: Oo, may kanyakanyang mga plano na kami. Ako balak kong umakyat sa vent, pero titingnan ko muna mamaya kung kaya ko bang lundagin pababa sa kabila ng pader.

Delfin: Ako naman lolokohin ko yung jail guard na nagkakagulo ang mga preso. Tapos pasimple kong kukunin yung susi ng mga selda na nakasukbit sa bewang nya.

Gaston: Ako aantayin ko lang makatulog yung mga jail guard tapos tuwing gabi uuntiuntiin kong lagariin yung mga rehas gamit yung kwerdas ng gitara ko.

Brando: Ikaw ba Tonyo, pano mo balak tumakas?

Tonyo: Ah yung plano ko subok na. Hindi pa pumapalpak.

Delfin: Uy mukang ayos yan ah! Share naman.

Tonyo: Kikiskisin ko ng madiin yung mata ko. Tapos magsusulat ako ng pekeng excuse letter, gagayahin ko nalang yung pirma ng nanay ko. Nakasulat sa excuse letter na pauwiin nila ako dahil meron akong sore eyes.

Gaston: Tonyo... wag ka sanang magagalit ha...
pero sisikmurahan kita pagkatapos mong mag-almusal.