"Yodeleyheyhey, yodeleyhoohoo, umawit tayo, umawit tayo."

Kung gusto mo ding malasin, i-search mo sa Youtube ang "Ang Titser Kong Pogi"

Gawa din tayo ng "Guy Walks Across Philippines." para mapakita ang ganda ng Pilipinas. Ipapakita natin ang isang lalake na naglalakad. Dadaan sya sa Davao at sapilitang kakain ng durian, tapos sa Cebu at kakain ng dried mangoes, sa Romblon at mamimili ng marmol, sa Boracay at maglalakad sa pinong buhangin. Dadaan din sya ng Batangas at bibili ng balisong, tapos sa Laguna at kakain ng buko pie gamit yung balisong. Ang huling dadaanan nya ay Metro Manila. Matatapos ang video kung saan man sya maholdap.

Kinailangan namin ng halos dalawang araw para mahimay ang unang SONA (State Of the Nation Address) ni Pres. Noynoy Aquino. Kung titingnan ng buo, isang success ang unang SONA nya. Hindi ito naging puro pangako. Nagkaroon ng pagbatikos sa mga kahinahinalang mga activity ng ibang government officials at agencies. At naparating sa taong bayan ang mensahe ng maayos dahil tagalog ang salita.

Kung may ginawa kang iba sa mga oras nung SONA, o nakalimutan mo na may SONA, o wala kang TV, eto, magtiyaga ka sa Youtube videos.

Sa umpisa ng SONA ni Pres Noynoy (Kahit kailan hindi namin tatawagin na "PNoy" si Noynoy dahil baduy.) naging monotone ang pagsasalita nya. Kulang sa emosyon at parang walang period at comma ang binabasa nya sa teleprompter. Tuloy-tuloy ang pagsasalita na parang isang mahabang mahabang mahabang mahabang sentence ang sinasabi nya. Pero dala na din siguro ito ng kaba. Pagkalipas ng ilang minuto, natapos na ang "intro" nya. Kitang nakabuwelo na ng maayos si Noynoy. Bumaba ng gear ang pagsasalita nya at nagkaron na ng intonation. Mas galing na sa kanya ang emosyon at mas makahulugan na.

Binanggit ni Noynoy ang mga issue ng "anomaliya" sa ilang mga sangay ng pamahalaan at kung ng paraan ng pagpapatakbo nito. Ang resulta ngayon, ay nagreact ang mga taong involved sa mga nabanggit na issues at naging defensive. May mga nagdeny at may mga nagpasa ng responsibilidad sa mga pagkakamali na naungkat. Ang ibang government agency na binatikos ay nagturo ng ibang sangay ng pamahalaan para sisihin.

Sinasabi ng iba na hindi mabuti ang magiging epekto ng ganitong pagbabatikos dahil mag-aaway ang mga government agency. Sa tingin namin, mas mabuti pa ngang mag-away sila para sila mismo ang magbantayan sa pangungurakot. Mas madali mangurakot kung magkakakonchaba ang mga government agency, kaya kung sila ang magsisisihan, hindi sila MASYADONG magnanakaw dahil isusumbong sila nung ibang agency. Kuha mo? Imbis na taong bayan lang ang nagbabantay, mas magiging mapanuri ang mga government agency laban sa katiwalian ng ibang agency para hindi sila ang sisihin kapag may anomaliya. Tama na, dapat naintindihan mo na yon dahil masyado nang redundant.

Nasabi namin na success ang unang SONA ni Noynoy dahil...

• Hindi sya nasupalpal ng taong bayan.
• Karamihan ng may angal ay gumagawa ngayon ng hakbang para malinis ang sistema ng government agency na kanilang kinabibilangan.
• Napanatili o napalakas ang tiwala ng taong bayan kay Noynoy.
• Bagong gupit at maayos ang buhok ni Noynoy ngayon.

State Of The Nation Adress sya... baket SONA lang? Baket hindi SOTNA? Mas bida ba ang "Of" kesa "The"?

Murahin mo na ang mga kurakot. Murahin mo na ang mga dupang. Murahin mo na ang nagnakaw ng passport mo. Kung gusto mo murahin mo na lahat ng Pilipino. Pero wag na wag mong mumurahin ang Pilipinas.

Ang magmura sa P.I. (Philippine Islands) ay P.I. din (P*tang I*a)
Nakatungtong ka lang ng America, ini-expect mo nang sasambahin ka ng Pilipino? Bangag ka ba? Baka gusto mong makarate chop sa kili-kili.