Likas na mabait ang mga bata. Kahit may kapilyuhan yang mga yan, natural ang purity ng mga utak nila. Kaso istupido sila. Karamihan sa atin ay nagkaron ng kaklaseng "annoying" o yung kinaiinisan ng buong klase. Ok lang sana kung naiinis tayo sa kanya noon dahil sinasaktan nya tayo, o inaasar. Kaso kadalasan, tayo ang nananakit sa kaklase nating yun. Sinasaktan natin sila emotionally. Alam mo kung ano ang sinasabi namin. Ito yung bata noong elementary tayo na sapilitang naging "iba".

Wala syang kadikit sa classroom. Hindi tayo nahihiyang humiram sa kanya ng school supplies (lapis, papel, liquid paper, etc.) pero pag sya ang nangangailangan manghiram, walang nagpapahiram. Eto yung batang hindi sinasali sa mga laro, at pag sya ang nag-umpisa ng laro at sinabi ng "cool" na kaklase nyo na wag na kayong sumali sa laro nya, wala nang nakikipaglaro sa kanya. Walang gustong makipagkaibigan sa kanila dahil natatakot ang iba na baka asarin din sila kapag kinaibigan nila ang batang yun. "Peer pressure" ang umiiral, at kung ano ang gawin nung "popular kid" sa classroom nyo, yun din ang gagawin ng lahat.

Kawawa ang mga batang nagiging target ng pang-aasar na 'to dahil lang may nagpauso ng pang-asar sakanila. Estupido talaga ang mga bata dahil kabobohan ang maling pakikisama, katangahan ang magpaapekto sa peer pressure, kaignorantehan ang awayin o ayawan ang isang tao dahil lang sabi ng iba. Ganon talaga pag bata, hindi na yata maiiwasan yan. Lahat tayo ay naging estupidong bata, pero nasa sayo na kung gugustuhin mong maging estupidong matanda.