Para sa patas na karapatan lang, hindi ba panahon na para magkaroon ng sariling CR ang mga bading? Kawawa naman yung mga bakla na naiilang tuwing papasok sila sa public toilet. Kami dito sa MgaEpal.com ay kilala sa paminsan-minsan na hirit at punchline sa kabadingan, pero sa maniwala kayo o hindi, sinusuportahan namin ang pagkapantay-pantay na karapatan ng lahat. Hindi kami babanat ng ANTI-gay posts dito dahil hindi kami tulad ng mga extremist na moralista at ayaw naming maging ignorante. Kahit hiritan namin ang mga bagay na kabadingan, hangga't maaari sinusubukan naming maging pangkatuwaan at based on observation ang banat, na kahit ang mga bading na magbabasa ay hindi pepersonalin ang hirit. Naisip namin na dapat nga talaga magkaron ng sariling CR ang mga bakla dahil alam naman natin ang stereotypical na tingin at reaksyon ng mga lalake pag may bading sa CR, at mapapansin mo minsan na naiilang din ang mga bakla.