Ang pagtaas ng antas ng ekonomiya daw ang pinaka mahalagang bagay na nagawa ni Gloria Macapagal Arroyo, ayon sakanya. Kung hihimayin ng lubusan ang mga bagay na nagawa ni Gloria Macapagal Arroyo bilang Presidente ng Pilipinas, makikita na totoo ang sinasabi nya. Mas mabuti na nga siguro ang konting porsyento ng "pag-unlad" ng ekonomiya kesa sa wala. Kaya lang siguro mas nangingibabaw ang negatibong mga paratang kay Arroyo ay dahil sa mga "scandal" / issues na nadawit ang pangalan nya, o pangalan ng asawa nya, o pangalan nung anak nyang "action star". Nandyan ang "Hello Garci", ang pag-gastos nya ng ilang libong dolyar sa isang restaurant kasama ang ilang politiko, ang paratang na nandaya sya sa eleksyon nung nanalo sya bilang Presidente, ang pagkakadawit ng pangalan ng asawa nya sa kaso ni Erap, ang mga hindi ma-explain na mga batikos ni Winnie Munsod sa anak nyang action star na botchog, at ang ilang pagsubok na mapatanggal sya sa posisyon ng ilang mga aktibistang grupo. Pero kung wala yang mga yan, MAAARING positibo nga naman ang maging tingin ng mga tao sa resulta ng mejo mas magandang ekonomiya na iiwanan ni Arroyo sa pagtatapos ng kanyang term.


Kung kami ang tatanungin, mahina parin ang ekonomiya natin, pero gaya nga ng sinabi namin, mas ok na ang konting pag-angat kesa wala. Sa aming tancha, ang pinaka magandang nagawa ni Gloria Macapagal Arroyo, ay hindi ang konting pag-angat ng ekonomiya ng bansa. Ang pinaka magandang nagawa nya ay napag-isa nya ang mga Pilipino. Oo, sa maniwala ka o hindi, malaking dahilan kung baket mas niyakap ng mga Pilipino ang pagkakaisa, at nauso ang mga t'shirt na may Philippine flag o kaya mapa ng Pilipinas, ay dahil nabigyan tayo ni Gloria Macapagal Arroyo ng dahilan para magmalasakit sa Inang Bayan. Nagmukang kawawa ang Pilipinas dahil sa mga issue na naganap. Nahabag ang mga tao at nagkaisa dahil nagkaron sila ng "common enemy" sa pagkatao ni Gloria. Sya ang naging "kontra bida" ng teleserye na pinamagatang "Pilipinas". Sa loob ng syam na taon, pinanuod natin ito at sinubaybayan, at dahil magaling ang pagkakaganap na "kontra bida" ni Arroyo, lalong napamahal sa lahat ang bida. Sana sa susunod na yugto, suportahan parin natin si "Pilipinas".