In every decision that each of us do, we all have to make certain sacrifices. Kaya kung may mga topic o issue na hindi namin pinuputok sa MgaEpal.com, ibig sabihin tinimbang namin ang possible positive and negative effect nito. Kung mukang pangmulat mata o enjoy lang, ilalabas namin. Pero kung mukang personal ang pundasyon, hindi namin susupotahan yan. Yung kumakalat na Aquino-Cojuangco video, madami nang nagtimbre sa amin non. Sa totoo lang sobrang tagal na naming nakita yon noon pa. Maganda yung video. Pay punto at may basehan. Pero ano ang PURPOSE nung video? Kung yung naglabas nung video na yon, naglabas din ng video tungkol sa mga kalokohan ni Arroyo nung presidente sya, o kaya kung nilabas yung video na yon bago pa maging presidente si Noynoy, hindi kami magdududa. Kaso hindi 'e. May katotohanan ang IBA sa mga sinasabi sa video, pero dahil hindi namin makita ang consistency ng political stand nila, hindi kami convinced na kapakanan ng mga Pilipino ang concern nung naglabas ng video. Malakas ang kutob naming personal ang atake nung video. At kung isa o dalawang political clan lang ang babanatan mo, magmumuka ka lang ding talangkang politiko na humihila sa iba para sa sariling pag-usbong. Hindi kami pro Aquino-Cojuanco. Pero hindi kami magpapadala sa isang video na nilabas ng mga taong ngayon lang umiepal. Bago kayo mag-aklas, itanong nyo muna sa sarili nyo... Bakit dilaw lang ang binabanatan nila kahit may dumi rin ang ibang kulay sa politika? Nasan sila nung si Gloria ang dapat ibulgar?