Sa ginawang study ng tatlong professors ng University of the Philippines National College of Public Administration and Governance(UP NCPAG), lumabas na para mas maiwasan ang corruption, suggestion ng karamihang Pilipino na bagsakan ng death penalty ang mga politiko na, well, na corrupt nga. Magandang siggestion, pero malabong mangyare yan.

Unang magiging harang sa realization ng idea na yan, yung mga moralista. Syempre dahil bansa tayo ng "makadiyos". Yung mismong issue ng death penalty as punishment, ayaw na ng mga nagbabait-baitan yan. Pero ang mas malaking babara sa katuparan ng death penalty para sa mga corrupt ay yung mga mismong corrupt. Sila ang nagpapatupad ng batas 'e. Sa tingin mo ba papayag silang magkaron ng batas na pipigil sa mga gahaman na balak nila?

Magandang idea yang death penalty laban sa corruption, kaso madaming kokontra, hindi mapapatupad, at kung ipatupad nga, wala naman talagang magbabanytay.

Kung kami ang gagawa ng diskarte na anti-corruption, bibigyan namin ng incentive o motivation yung mga politiko para sila mismo ang magbantay sa isa't isa. Kung sino ang mapatunayan na nangurakot, kukunin sa kanya LAHAT ng pera at ari-arian nya at ng BUONG ANGKAN nya. Tapos hahatiin yung kayamanan nya sa lahat ng politicians. Mas malaki ang share nung mismong naka-huli sa kanya. Mas gaganahang magbantay yung mga politiko nyan. Hindi makukulong yung nahuling nangurakot, dahil libre ang koryente, tubig, at pagkain sa bilibid. Pakakawalan sya, pero wala na syang madaming pera at bahay. Effective yan. Mas matatakot na silang mangurakot, dahil para sa karamihan ng Pilipino normal na ang kumayod para makaraos lang, pero sa mga katulad nilang gahaman sa yaman, para sa kanila, katumbas na ng death penalty ang mahirapan.