Ang game show na hindi naman show.

Hinahamon namin ang lahat para subukang mapasakanila ang isang milyong pisong gantimpala mula sa MgaEpal.com. Simple lang. Sa bawat MgaEpal.com 1 million peso challenge, syempre may challenge. At pag ikaw ang pinaka unang makapag-padala ng video na nagpapakita na nagawa mo ang challenge, sayo na ang isang milyong pesos. Bawal ang madugas.

Para sa challenge na 'to, kakailanganin mo ng isang salamin. Gago hindi yung salamin sa mata ha. Yung salamin na ginagamit sa mga barber shop at kisame ng mga motel.

Ang challenge: Kalabanin sa jack-empoy ang sarili mo sa salamin. Race to 3 lang ang laban. Pero kailangan panalo ka. Pag nanalo ang reflection mo, sakanya mapupunta ang 1 million.

Ipadala ang link ng mga video ninyo sa MgaEpal.com Tip Box. Kahit hindi mo magawa ipadala mo parin, ang importante ay sinubukan mo. Lahat ng videos ay ilalabas dito sa MgaEpal.com. Mga videos na ipapadala mula May 16, 2011 hanggang June 1, 2011 lang ang ipapakita dito. Good luck.