Tinanggap na daw ni Ruffa ang sorry ni Kris. Pero sa simula pa lang, alam na namin noon na may hindi magandang mangyayari sa pagitan nilang dalawa kung magsasama sila sa isang TV show kung saan pwede nilang sabihin ang nasa utak nila. Aminado naman ang dalawa na tactless sila at parehong malakas ang personality nila, at yun ang nagustuhan ng mga fans nila sakanila. Hindi na nakapagtataka na magkabanggaan Si Kris at Ruffa dahil sa lipunan natin normal na ang magkatalo ang kapwa sa kapwa.

1. Taklesa nakakasagasa ng kapwa taklesa. (Napatunayan sa isang celebrity news show.)
2. Pilipino pinahihirapan ang kapwa Pilipino. (Kanya-kanyang panlalamang.)
3. Mahirap minamata ang kapwa mahirap. (Iniiwasan kapag walang mahihita sa kapwa.)
4. Magnanakaw nagagalit sa kapwa magnanakaw. (Walang code of ethics.)
5. TV network sinisiraan ang kapwa TV network. (Nag-aagawan ng viewers.)
6. Tindera binebentahan ang kapwa tindera. (Bakit hindi nalang mag-exchange gift?)
7. Politiko nagagalit sa kapwa politiko. (nasabi na pala yan sa number 4.)
8. Babae inaagawan ng lalake ang kapwa babae. (Mas konti kasi ang lalake sa mundo.)
9. Lalake inaagawan ng babae ang kapwa lalake. (Masarap kasi ang bawal.)
10. Lalake inaagawan ng lalake ang kapwa lalake. (No comment.)