Isang araw, may matandang multi-milyonaryo na nabobored. Nag-isip sya kung ano ang pwede nyang gawin. Sa dami ng pera nya, halos lahat nagawa na nya. Lahat din ng pwedeng paglibangan, nagawa na nya. Habang nanunuod sya ng Animal Planet, nagkataon na tungkol sa mga pating ang pinapalabas sa TV. Nakaisip ngayon ng trip ang matandang multi-milyonaryo at tinawag ang alalay nya.
Matandang multi-milyonaryo: Berting! Barting!!!
Berting: Baket po sir?
Matandang multi-milyonaryo: Linisin mo yung swimming pool. Tapos humanap ka kung saan pwede makabili ng pating.
Berting: Pating sir? As in shark?
Matandang multi-milyonaryo: Oo. At maghanap ka ng limang tao na malakas ang loob. Yung matapang talaga ha. Bukas ng umaga gusto ko nasa swimming pool na ang mga pating, mga tatlong pating. Dapat nandito na din yung limang tao na pinapahanap ko sayo. Tandaan mo, gusto ko yung matatapang na tao.
Hindi na nagtanong si Berting kung ano ang plano ng amo nya dahil alam naman nya na matrip talaga ang madanda. Kinabukasan, pagkagising ng matandang multi-milyonaryo handa na lahat ng inutos nya kay Berting.
Berting: Good morning sir. Ready na yung inutos nyo. Sila ho yung limang tao na pinahanap nyo sakin.
Matandang multi-milyonaryo: Good morning Berting. San mo ba nakuha 'tong mga 'to?
Berting: Eto hong isa, lion tamer 'to. Eto naman, sa bomb squad nagtatrabaho. MMA fighter ho itong isa. Tapos ito naman matador 'to. Itong isang 'to kilalang siga sa buong Batangas.
Matandang multi-milyonaryo: Muka nga silang patatapang. Sige simulan na natin 'to. Punta tayo sa may swimming pool area.
Pagdating nila sa pool area...
Matandang multi-milyonaryo: Nakikita nyong may tatlong pating sa pool. Kung sino man ang maglakas loob na languyin ang buong haba ng pool at makaabot sa kabilang dulo. Bibigyan ko ng reward. Isang milyong piso! Sige simulan nyo na.
Nagtinginan lang ang lima. Halatang walang may gustong pumatol sa hamon ng matanda.
Matandang multi-milyonaryo: Sige, gagawin kong three million pesos ang reward! Game!
Napakamot lang ng ulo ang iba, halatang pinag-iisipan kung papayag. Pero pag tinitingnan nila ang pool na may tatlong malalaking pating, nangingibabaw ang takot sa kanilang lahat.
Matandang multi-milyonaryo: Huling tawad ko na 'to ha. Bahala na kayo. Walong milyon para sa makakagawa ng hamon ko!
Wala paring gumusto. Nafu-frustrate na ang matanda.
Matandang multi-milyonaryo: 'O eto... kung sino man ang lalangoy papunta sa kabilang dulo ng pool na may pating... Ibibigay ko kahit anong gusto nya! Kahit ano!
Biglang may narinig na lagapak sa tubig. May lumalangoy sa pool! Natuwa ang matandang milyonaryo. Naexcite sya habang pinapanuod sa pag-iwas sa pating yung lumalangoy sa pool. Mabilis ang kampay sa tubing, halos nagwawala yung mga paa at braso para mas mabilis makaabante papunta sa kabilang dulo ng pool. Nacurious yung matanda kung sino sa lima ang tumalon sa tubig. Tiningnan nya ang mga katabi. Kumpleto sila! Nandun silang lahat sa tabi ng matanda.
Matandang multi-milyonaryo: Sino yon???
Tiningnan mabuti ng matanda yung lumalangoy...
Matandang multi-milyonaryo: Si Berting???.... Berting! Hahahaha! Astig ka!
Nagcheer ngayon ang matanda para sa alalay nito. Muntik pang makagat si Berting ng pating pero nasipa nya sa nguso yung pating. After ilang seconds pa, umabot na sa kabilang dulo ng pool si Berting! Hingal na hingal.
Berting: Haaa... haaa.. Put*ng inang yan! Haaaay!
Matandang multi-milyonaryo: Ang galing mo Berting! Anong gusto mong reward? Kahit ano! Sabihin mo lang kung anong gusto mo!
Berting: Gusto kong ipapatay kung sino man yung tumulak saken sa pool! Put*ng ina talaga!
0 comments for this post