Bukas, Sabado, 8:30 ng umaga sa ABC 5, unang putok ng pagbabalik ng Batibot. 

Matagal na panahon na din mula ng nawala yang iconic na palabas na yan. Kung kasing-ok parin ng bagong Batibot ang original, irerekuminda naming panoorin ng mga bata yan, para meron silang nostalgic na pag-uusapan ng mga kainuman nila paglaki nila.

Magkakaron daw ng guest appearances si Kuya Bodjie at Ate Sienna. Kaso sa nabalitaan namin, wala daw si Pong Pagong at Kiko Maching dahil nakalisensya ang rights nila sa iba. Kung magagawan nila ng paraan para malagay si Kiko at Pong, malaking bagay yon. Sila ang Batman and Robin ng Batibot, at iba ang Batibot na walang tabachoy na pagong at unggoy na laging may plema sa lalamunan. 

Kahit wala si Kiko at Pong, nanjan parin naman daw ang ibang classic na characters ("mupets") tulad nila Kapitan Basa, Manang Bola, Ningning at Gingging. Ang magiging main host naman ay mga hindi namin kilala. Si Kakki Teodoro at Abner Delina. Interesting din dahil may mga celebrity daw na bibisita paminsan-minsan sa Batibot.

Madaming aabangan sa Bagong Batibot. Guest appearance ni Ate Sienna at Kuya Bodjie, mga bagong batang batibot. Aabangan din namin kung kamusta ang comparison ng bago at lumang Batibot. Makukuha ba nila ang interes ng bagong generation ng bata ngayon na puro cartoons ang hilig. Kung swertehin, mame-maintain ba nila ang interes ng mga bata? At sino-sino ang mga celebrity na susulpot sa Batibot? 

Sa lahat ng yan, may dalawang hiling lang kami. Una, hindi sana panget ang bagong Batibot, para hindi masira ang magandang naiwan na imahe ng unang Batibot. At pangalawa, sana mag-FHM si Kakki Teodoro balang araw.