Sobrang daming nag-react nung naging sikat sa Youtube ang music video na 'to. Karamihan negatibo ang reaksyon dahil panget na nga daw ang boses, 'e sobrang panget pa ng lyrics. Masyado tayong nagiging marahas sa paghuhusga. Pag may nagtatagumpay sa pangarap nila umiiral ang inggit at madami ang umaapila. Sa mga pagkakataon na ganito dapat nga hangaan natin ang mga ganyang tao. Mahirap gumawa ng kanta. Mahirap din gumawa ng music video. Madami naman ang panget na kanta pero nauuso dahil sikat na ang kumanta. Pero ngayong hindi masyado kilala ang gumawa ng ganyan, siksik, liglig, at umaapaw na panlalait ang pinaligo sa kanya. Wag naman ganyan. Pagbigyan natin sya. Kung tutuusin mahirap din naman ang ginagawa nya. Sa tingin mo ba madaling gayahin ang boses ni Spongebob Squarepants?