Epal: Anong ginagawa mo dito?

Mas Epal: Yun! Buti na lang dumating ka na. Kanina pako nagdo-doorbell, umalis ka pala.

Epal: Baket ba?

Mas Epal: Makiki-text sana ako, wala akong load 'e.

Epal: Gago lagi ka namang walang load 'e!

Mas Epal: Sige na please. Importante lang.

Epal: 'O eto! Sino bang ite-text mo

Mas Epal: Ermat ko. Nag-grocery kasi sila ni utol. Papabili lang ako ng load kay ermat.

Epal: Kapal ng muka mo, ang tanda mo na magpapalibre ka pa ng load? 'O bilisan mo magtext, natatae nako.

Mas Epal: Tang*na naman kasing iPhone 'to. Pano ba magtext dito?

Epal: Akin na nga! Anong number ng ermat mo?

Mas Epal: 091698488**

Epal: Anong sasabihin ko?

Mas Epal: Sabihin mo... "Mama, paki bilihan naman ako ng load. Bayaran na lang kita pag nagkapera ako."

Epal: Lagay ko pa ba pangalan mo?

Mas Epal: Wag na, alam na nyang ako yan.

Epal: Send ko na 'to ha.

Mas Epal: Sige... Ay teka! Paki sabi na din na naiwan nya yung cellphone nya, kunin na lang nya mamaya saken pag uwi nya.

Epal: Oist! Suntukin mo ilong mo.

Mas Epal: Baket?

Epal: Suntukin mo ilong mo!!!

Mas Epal: Bakeeet???