Mama: Anak kumain ka na. Bilisan mo at baka malate ka sa school. Mamaya mo na isuot yang polo mo, baka pawisan ka, mainit sa labas.

Noel: Mama bili tayo ng aircon, sobrang init kahit gabi e'. Kahit yung electric fan lang na aircon, yung nilalagyan ng yelo sa loob.

Mama: Ano ka, spoiled? May electric fan ka naman, gamitin mo.

Noel: Mainit parin e.

Mama: Edi ilapit mo sayo yung electric fan, tapos magpaypay ka pa.

Noel: Pano naman ako makakatulog habang pinapaypayan ko sarili ko? Bili ka na ng aircon, mura lang yun.

Mama: Aba e mura lang pala e'. Edi ikaw bumili.

Noel: Nakakainis naman! Sana sa mayaman na pamilya nalang ako pinanganak!

Mama: Anong sabi mo?! Dahil lang sa aircon ipagpapalit mo ang pamilya mo?!!

Noel: Hindi naman dahil sa aircon. Dahil sa yaman.

Mama: Aba baket sa tingin mo mas katanggap-tanggap na rason yan?! Dapat nga magpasalamat ka dahil kahit hindi tayo mayaman, nagmamahalan tayo. Bawiin mo yung sinabi mo!

Noel: Sorry, binabawi ko na po. Sorry mama.

Mama: Ayokong ganyan ang takbo ng utak mo ha. Kabatabata mo pa, sinasamba mo na ang pera. Baket, sa tingin mo lahat ng bagay nabibili ng pera, ha?

Noel: Opo.

Mama: Hooooy.. May mga bagay na hindi kayang bilihin ng pera, tandaan mo yan.

Noel: Tulad ng?

Mama: ...

Noel: Ano po yung mga bagay na hindi nabibili ng pera?

Mama: ...

Noel: Mama, ano po yung hindi kayang bilihin ng pera?

Mama: Teka nag-iisip ako!