Direktor: Ok Johnny, eto yung eksena... papasok ka sa kulungan nung buwaya...

Johnny: Wala bang stunt double direk?

Direktor: Wala, uso na ngayon yung mga artista ang gumagawa ng sariling stunts nila.
'O basta pagpasok mo sa kulungan tatalon-talon ka palapit sa buwaya...

Johnny: Teka direk ba't kailangang tumalon-talon? Hindi ba pwedeng maglakad nalang ako para hindi mabulabog yung buwaya?

Direktor: Hindi, hindi. Nakatali kasi yung mga kamay at paa mo, pano ka maglalakad nun? Basta gawin mo nalang.Tapos non, pag nakalapit ka na sa buwaya, tititigan mo sya. Tapos dahandahan kang uupo at ilalapit mo yung muka mo sa muka nya.

Johnny: Ha?! Eh kung sunggaban ako non?! Para saan, baket kailangang ilapit ko yung muka ko sakanya?... Baket naman nakatali yung kamay at paa ko?!!?

Direktor: Kailangan kasi natin ng eksena na exiting. Yung kakabahan ang nanunuod at yung mararamdaman nila ang takot mo. Ilalapit mo yung muka mo sa muka nung buwaya para intense yung eksena. Kailangan din natin yung closeup shot na yun para sa posters ng pelikula.

Johnny: Edi lagyan nalang ng effects. Pwede naman yun diba? I-edit nalang sa computer.

Direktor: Mahal yun Johnny. Halos ahh... 2 billion pesos ang magagastos dun. So basta ganun na. Alam mo na ang gagawin mo ha. Papasok sa kulungan, tatalon-talon palapit sa buwaya, tititigan at ilalapit ang muka mo sa buwaya... yung malapit talaga ha.. yung tipong aabutan ka pag sumunggab sya. Ok ready!... Lights!... Camera!...

Johnny: Direk sorry na! Hindi ko alam na asawa mo yung nilandi ko kagabi! Kung alam ko lang, hindi ko gagalawin yun!

Direktor: Ok lang, wala sakin yon... ok ACTION!