Epal: Oist? Anong ginagawa mo dito?

Mas Epal: Inaantay ka. Kanina pako dito, san ka ba galing?

Epal: Nag-jogging.

Mas Epal: Naks naman haha. Healthy ka na?

Epal: Tara pasok muna tayo. Nauuhaw nako.

Mas Epal: So ba't ka nga nagpapaka-healthy? Pa-jogging-jogging ka pa, cool ba yan?

Epal: Gago, gusto ko lang lumabas yung mga dumi sa katawan ko.

Mas Epal: Edi tumae ka.

Epal: Nagde-detox ako. Hindi muna ako kakain ng karne. Puro gulay, prutas. Wala ding prito.

Mas Epal: Anong pupulutanin mo pag nag-iinuman? Carrots?

Epal: Tanga, wala din munang inom. Hindi muna ako totoma.

Mas Epal: Kalokohan. Malungkot pala magdetox.

Epal: May nabasa kasi ako. Kahit pala pakonti-konti lang ang pag-consume mo ng macolesterol at alak, naiipon pala sa katawan yan. Eto basahin mo.

Mas Epal: Ano ba 'to?

Epal: Health magazine. Binigay lang ng ermat ko.

Mas Epal: Kaya pala na-isip mo magpaka-healthy 'no? Nakalagay dito, pwedeng bigla ka na lang mag-collapse pag sobra na ang naipon na toxins sa katawan mo. Kahit wala kang history ng hypertension pwede din bigla ka na lang atakihin sa puso.

Epal: Oo, natakot nga ako 'e. Kaya kung ako sayo, mag-detox ka na rin. kahit every ther month lang. One week pwede na siguro yon.

Mas Epal: Kahit daw mga bata-bata pa pwedeng ma-stroke! Iiwas na nga ako.

Epal: So hindi ka na muna iinom? Kaya mong hindi kumain ng taba?

Mas Epal: Hinde 'no!

Epal: Sabi mo iiwas ka na???

Mas Epal: Oo nga. Simula ngayon, hindi nako magbabasa.