Tanong galing kay lenin: May tanong lang po ako, tuwing gigising po kase ako ng
umaga, at madami akong kinakain sa breakfast madaling sumakit yung tiyan ko.
Kaya feeling ko parang matatae ako. Pero pagpumwesto na ako sa toilet,
biglang nawawala. Tapos pag pasok ko naman sa school, dun lang sya
lumilitaw. Ngayon ang tanong ko po, paano bang maiwasang matae sa
eskwelahan. Lagi po kaseng nangyayari saken yun eh.. Sana masagot niyo
po agad. More power.



MgaEpal.com: Minsan psychological lang yan. Dahil ayaw mong tumae sa skwelahan, nape-pressure kang tumae bago pumasok, kaya lalong hindi lumalabas. Kailangn mong magrelax. Magbasa ka sa C.R. ng kahit ano. Para sa mga studyante maganda ang mag-iwan ng dictionary sa kubeta, para tuwing session mo may diversion ka. Mas relax ka na, matututo ka pa. Pag hindi effective sayo yan. May dalawa ka pang pwedeng gawin para hindi matae sa eskwelahan; Wag kumain ng madami sa umaga. O kaya wag ka nang pumasok.

Nitong nakaraang Friday (August 19, 2011) isang 57 years old na babae ang binaril ng dalawang lalake dahil sa pinaniniwalaan mangkukulam yung babae. Nangyare ang krimen na yan sa may Kidapawan City, North Cotabato.






Eto ang mga bagay na hindi mo iisiping pwede pang mangyare sa modernong panahon ngayon. Madaming naniniwala sa kung ano-ano. Kahit kami, tanggap namin na posible ang existence ng ibang kababalaghan. Hindi kami mismong naniniwala na totoo, bukas lang ang utak namin na posible lahat. Hangga't hindi napapatunayan, mananatiling posibilidad lang yang mga yan para sa amin. At para hindi matalo ng takot, sinusubukan naming maintindihan (o wag na lang pag-usapan.). Nakakagagong isipin na sa karamihan, mas malakas ang impluwensya ng takot kesa logic. Para umabot sa pagpatay ang bintang sa pagiging mangkukulam, umaapaw na kamangmangan ang ugat nyan. Kamangmangan ang ugat, tinubuan ng matinding takot, at pamamaril ang naging bunga. Patunay lang na dito saten, mas madali pang magkaron ng baril kesa magkaron ng tamang kaalaman.

Tanong ni NinjaGaya:

"Ano pong tagalog ng cake?"

MgaEpal.com: Ang tagalog ng cake ay minatamis na pagkain na gawa sa arina, itlog, asukal, at tubig, na pwedeng haluan ng tsokolate, gatas, at prutas na nilalagyan ng kandila pag may birthday, at kayang kainin ng mga babe kahit sobrang busog na sila. Pwede ding keyk.

Importanteng salita ang paninindigan, ang paninindigan sa tamang paniniwala. Ang malungkot dyan, sa karamihan, paniniwala lang din ang paninindigan. Madaming tao ang naniniwala na dapat gawin ang tama, kaso pag dumating ang oras na sila na ang dapat kumilos, inaantay na lang nila na iba ang gumawa ng mga dapat gawin. Iba ang paniniwala sa paninindigan. Ang paniniwala ay nasa isip, ang paninindigan ay nasa salita at gawa. Kahit gano ka pa kagago, mahalaga na magkaron ka ng kahit gatiting na tamang paninindigan. Yung tipo ng bagay na sinosoportahan at karapat-dapat ipaglalaban. Dahil yan ang hihila sayo pabalik sa sarili mo tuwing nililigaw ka ng temptasyon. Yan ang magtutulak sayo para kumilos. At yan ang kakapitan mo pag may mga humahatak sayo palubog.



Tandaan mo, ang taong walang kinakapitan na tamang paninindigan, lulubog sa lahat ng bagay.

Tanong galing kay pooper:

May bading po ba na ninja?



MgaEpal.com:

Oo, merong mga bading na ninja. Ito yung mga bading na kayang gawing invisible ang pagiging bading nila sa mata ng ibang tao. Minsan dahil sa takot na hindi sila matanggap ng pamilya nila. Minsan dahil sa trabaho (Kadalasang makikita yan sa showbiz.) Ito ang mga klase ng ninjang bading na nagiging miserable dahil sa kagagawan ng makabobong society. May mga bading na ninja din na hindi lang ginagawang invisible ang pagiging bading nila. Nagte-training din silang maging ganap na lalake dahil sa maling paniniwala na hindi tanggap ni Lord ang pagiging bakla. Eto ang mga ninjang bading na nagpapauto sa mga moralista. Sa pangkalahatan, ang mga bading na tinatago o napipilitang itago ang kabadingan nila ay tinatawag na "Rainbow Ninjas".

'E ano ngayon? Sa personal na paniniwala lang namin, ang pinaka importateng contribution na ni Paris Hilton sa mundo ay ang mga kumalat na sex tape nya. Pero dahil madaming nagtimbre na kontra sa balak daw gawing courtesy call ni Paris kay Noynoy, himayin natin 'to.







Ang isang "courtesy call" ay pwedeng phone call o personal na pagkikita. Hindi kagaguhan na personal na tawagan o kitain ni Paris si Noynoy. Kahit sa tingin namin mas matalino pa ang isang tumpok ng rubber band kay Paris Hilton, kung sisipatin ang bigger picture, magandang bagay ang call/meeting na yan. Baket? Dahil in a marketing point of view, makakatulong sa "positive international exposure" ng Pilipinas yan.



Ano ang mga posibilidad na nakikita namin?



-Una, may mga bagong business na uumpisahan si Paris dito. Kung maparamdam sa kanya ni Noynoy na V.V.V.V.V.V.I.P. (very, very, very, very, very, very, important person) sya sa Pilipinas, pwedeng maengganyo syang magtayo ng iba pang negosyo. At kung ang tulad nyang sobrang high profile na tao, willing mag-invest dito, baka maka-uto pa tayo ng iba pang foreign investors.



-Pangalawa, pwede ding magkaron ng impact sa tourism ang pagbisita nya dito. Kung ma-spoiled sya ng konti sa ngayon, at mag-enjoy sa atensyon, sa dami ng celebrity connection ni Paris, pwede syang maging unofficial ambassador para ng tourism ng Pilipinas. Makwento lang nya sa mga kakilala nyang celebrity na masaya ang naging stay nya dito, at maisip ng ilan sa kanila na bumisita din, magmumukang "sosyal" na tourist destination ang Pilipinas. At alam naman nating madaming pasosyal sa mundo.



-Ang pangatlo at pinaka importanteng posibilidad sa courtesy call na gagawin ni Paris kay Noynoy ay ang ligawan sya ni Noynoy. Ops! Wag ka munang magmura, pag-isipan mo muna. Chickboy si Noynoy 'e. Mahirap mang tanggapin, wala tayong magagawa dahil paulit-ulit na tinalo ni Noynoy ang odds. Ilang magandang babae na ba ang napasagot ni Presidente? Mga kung tutuusin mas maganda pa kay Paris. Malay mo mapasagot nya yan at maging Paris Hilton-Aquino yan. Pigilin mo yung mura mo! Isipin mo nga muna, sakyan mo lang 'to. Kung gumana ulit ang kung ano mang panliligaw, pambobola, gayuma, orasyon, o kung ano man ang ginagawang diskarte ni Noyoy, at napasagot nya si Paris, walang tao sa mundo na hindi makakaalam nyan. Ang laking exposure nyan para sa Pilipinas. Kahit sabihin nating madami ang kokontra, ang iportante ay yung effect na magmukang "celebrity" ang Pilipinas. Mapag-usapan at makahatak ng atensyon ng investors, tourists, at mga importers. Magkakaron ng mga bagong trabaho, kikita tayo sa mga turista, at pwedeng i-endorse ni Paris ang mga local products para sa ibang bansa. Sisikat tayo sa buong mundo! Yayaman tayong lahat! Magiging 1 is to 1 ang palitan ng peso at dollars! Aasenso ang Pilipinas dahil kay Paris Hilton! Magkakaron ng sex scadal si Paris at Noynoy! Sige, ngayon pwede ka nang mag-mura.

 At ngayon bigwasan natin ang mga dapat bigwasan. Una ka Philippine Olympic Committee board director Jeff Tamayo. Balikan natin ang mga words of wisDUMB netong taong 'to...

Kulelat sa technology?
Iba-iba ang dahilan nyan. Una dahil hindi masyadong nagko-concentrate sa tech development ang Philippine government. Pangalawa, wala din namang masyadong local manufacturers ng gadgets dito. Kung meron mang magkaron ng makabagong idea sa technology sa atin, kulang sa pondo at hindi nasosoportahan ng gobyerno. Mas inuuna kasi ang mga projects para sa mga mahirap dahil mas madaming mahirap dito. Matagal na proseso kasi ang pagdedevelop ng bagong technolohiya, at ang gustong ibigay ng gobyerno sa mga tao ay instant tulong, para bida sila agad kahit nangbubulsa sila ng pera ng bayan.

Kulelat sa music?
Ngayon na lang nangyare yan. Kung internationaly, oo kulelat tayo lagi sa music dahil ang mga mas maimpluwensyang bansa ang nagdidikta ng uso. Syempre una sila, at sa panahon ngayon, kung hindi ikaw ang nauna, ma-late ka lang ng isang araw, kulelat ka na. Pero kung sa lokal na music scene, nagkaron din naman ng mga panahon na buhay ang music industry dito saten. Nagkataon lang na garapalan ang piracy dito. Nandyan din ang fact na pwede nang i-download ang mga kanta ng libre. Yan ang mga dahilan kung baket nawawalan ng gana mag-produce ng mga bagong kanta dito sa atin. Wala na kasi masyadong kita sa album sales, mas kumikita sa gigs at concerts ang mga artists. Kulang din tayo sa international exposure. Kaya kahit may ibubuga, hindi natin mapasikat internationally kung walang tulong ng ibang bansa.

Kulelat sa etc.?
Kung sa pagiging mas huli (hindi naman kulelat, mas huli lang) sa iba pang bagay, ang sagot ay ang kakulangan sa originality. Hindi naman tayo mabagal. Kung tutuusin mabilis nga tayo. Mabilis tayong mang-gaya. Pag uso sa ibang bansa, gusto na din nating pausuhin dito. Syempre nauna sila, edi ano tayo? Nagmumukang kulelat. Kung tayo ang magpapauso, edi hindi na tayo pwedeng mangulelat. Kaso masyadong malaki ang impluwensya ng Cable T.V., Magazenes, at Internet, kung saan hawak ng international pop culture ang dinidikta ng kung ano ang uso.

Kahit naman siguro mahawakan natin ang dikta ng kung ano ang uso, at magkaron tayo ng bagay na pwedeng ipa-uso, hindi naman natin kayang pausuhin. Kulang tayo sa pondo, kulang tayo sa soporta, kulang tayo sa kaalaman, at kulang tayo sa lakas ng loob.