"Kulturantado", "Bunso", at "Boss Chip" pagkagaling sa bahay ni "Bunso" dumerestso sa SM Centerpoint. CR daw muna...
Pagpasok ng CR nagkanya-kanyang direksyon ang punta. Si "Bunso", umihi sa urinal. Si "Boss Chip", naghugas ng kamay sa lababo. Si "Kulturantado" umihi sa loob ng cubicle. Dahil si "Boss Chip" lang ang hindi busy sa pag-ihi, sya lang ang nakakita sa paglapit ng isang janitor sa isa pang janitor na nagbabanlaw ng mop.
Biglang nagsalita ang janitor na lumapit, at dahil tahimik sa loob ng CR, kahit umiihi pa ang dalawa, maririnig din ni "Bunso", at "Kulturantado" ang sasabihin nung janitor... magjo-joke pala si loko.
Janitor 1: May dalawang magkaibigan, tapos tinanong nung isa yung isa... "Brad, bading ka ba?"
(Napalingon yung isang janitor at napangiti pero tuloy parin sa pagbabanlaw ng mop.)
Karugtong ng joke ni Janitor 1: Sumagot yung isa... "Sa tagal nating magkaibigan, pinaghihinalaan mo pako?". Tapos sabi nung isa, "E' may mga nagsasabi kasing bading ka daw."
(Sa mga oras na yun, nakabukas parin ang gripo sa lababo pero tapos na maghugas ng kamay si "Boss Chip" at nakikinig lang sa joke. Si "Bunso" naman ay nagpapanggap na umiihi parin pero nakikinig lang din. Si "Kulturantado", hindi parin lumalabas sa cubicle, akala namin tumatae, nakikinig na lang din pala sa joke.)
Nagpatuloy sa joke ang janitor: Edi sabi nung isa... "Sige nga kung hindi ka bading, sabihin mo bato!"
"Bato!"
"... Sabihin mo nga latigo!"
"Latigo!"
"O' sige sabihin mo nga batuta!"
"Ahaaayyyy batuta, where?!!"
(Napangiti si "Bunso" na nasa may urinal parin. May tahimik na tawa si "Boss Chip" habang pinapatay na ang gripo. Nakangiti ding lumabas ng cubicle si "Kulturantado". Gagong janitor yan kwela.)
Nung palabas na kami ng CR, apir muna kami kay Janitor 1. Pag tingin namin kay janitor 2 nakasimangot... na-offend siguro sa joke, baka bading.
Subscribe to:
Post Comments (Atom)
0 comments for this post