Jessica: Mare order ka pa ng drinks.

Shirley: Mare tama na, lasing ka na.

Jessica: Mars kung ayaw mo, ako na lang ang iinom. Mukang ikaw ang lasing na 'e.

Shirley: Mare hindi ako lasing, ikaw ang lasing. Tingnan mo nga yang mata mo, pulang-pula na.

Jessica: Gaga, ganyan talaga kulay ng mata ko.

Shirley: Mars matagal na tayong magkakilala. Alam kong hindi pula ang natural na kulay ng mata mo. Lasing ka na.

Jessica: Mars ikaw ang lasing. Dati pa pula ang mata ko. Kahit tingnan mo pa sa mga picture ko.

Shirley: Pahiram nga ng cellphone mo. Patingin ng mga pictures mo dyan.

Jessica: Sige... (Nilabas ang compact mirror galing sa bag.) 'O etong picture ko na 'to pula yung mata ko dito 'o.

Shirley: Patingin nga...

Jessica: 'O ayan. (Sabay abot ng compact mirror)

Shirley: Hahaha! Ano ka ba mare, lasing ka na talaga.

Jessica: Baket?

Shirley: Picture ko 'to 'e.